blackfridaysale.ru агрегатор саайка киирэн, биллэр маҕаһыыннар ханнык табаарга төһө чэпчэтии оҥороллорун билиэххэ сөп.
«Хара бээтинсэ» аахсыйаны ааспыт үйэ ортотугар АХШ-га толкуйдаан таһаарбыттара. Эмиэрикэҕэ Махтал күнүн кэнниттэн сарсыныгар Ороһуоспатааҕы атыы-кутуу саҕаланар, итиннэ сиэттэрэн «Вlack friday» бары табаарга улахан чэпчэтии биллэриллэр.
Арассыыйаҕа «Хара бээтинсэ» аан бастаан 2010с. ыытыллар буолбута. Маҕаһыыҥҥа киирэн баран харчыгын барытын хаалларан тахсыбат туһугар чахчы туохха наадыйаргын эрдэттэн испииһэктиир ордук. Сыаната чэпчэки эрэ диэн атыылаһартан туттунуҥ. Каассаҕа төлүүргүтүгэр кешбектаах баан каартатын туһаныҥ.
90% чэпчэтии диэн ыҥырыыга тута итэҕэйимэҥ, аахсыйа иннинэ ымсыырбыт табааргыт сыанатын эрдэттэн үчүгэйдик үөрэтиҥ уонна «Хара бээтинсэҕэ» төһөнү түһэрбиттэрин тэҥнээн көрүҥ. Иҥсэлээх атыыһыттар дьону тарда таһаан, аахсыйа буолуон иннинэ сыананы хас да бүк ыараталлар уонна түһэрдибит диэн дьону албынныыллар.
-
0
-
0
-
0
-
0
-
0
-
0
