«Бу профиль судаарыстыба, Ил Дархан соругун толорорго, ол иһигэр нэһилиэнньэ дьадайыытын аҕыйатарга тирэх буолуо», — диэн СӨ Бырабыыталыстыбатын бэрэссэдээтэлин солбуйааччы Анатолий Семенов иһитиннэрдэ.
«Цифровой алмаас» II федеральнай пуорум «Үлэ кыбаартала» креативнай салааҕа ыытыллыаҕа. Пуорумҥа 2,5 тыһ. киһи кыттыаҕа. Кинилэр IT индустрияны сайыннарарга туох көмө оҥоһулларын туһунан кэпсэтиэхтэрэ. Пуоруму РФ Сыыппараҕа министиэристибэтэ уонна СӨ Бырабыыталыстыбата тэрийэн ыыталлар.
Кэлэр 10 сылга ыытыллар сыыппара трансформациятын туһунан дойду бэрисидьиэнэ Владимир Путин эппитэ. Итиниэхэ олоҕуран, «Дааннайдар экэниэмикэлэрэ» саҥа национальнай бырайыак оҥоһуллар, онно искусственнай интеллегы сайыннарыы федеральнай бырайыага киирэр.
IT-өҥөнү таска таһаарарга Саха Сирэ Уһук Илин инники күөҥҥэ сылдьар уонна бу эйгэҕэ дойду үрдүнэн уон бастыҥ эрэгийиэн ахсааныгар киирэр.
Хаартыска: СИА
-
0
-
0
-
0
-
0
-
0
-
0
