Нөҥүө күнүгэр биирэ этиспит киһитин аадырыһын социальнай ситим нөҥүө булан, уолаттары хомуйан быһаарса барбыт. Охсуһуу түмүгэр үс киһи бааһырбыт, оттон түөскэ хаста даҕаны быһаҕынан анньыллыбыт Нам улууһун уола РБ № 2 тиийэн, быстыбыт.
Полиция үлэһиттэрэ Таджикистантан төрүттээх буруйу оҥорооччуну тохсунньу 22 күнүгэр туттулар, охсуһууга кыттыбыт дьону эмиэ доппуруостууллар.
Бэрээдэги араҥаччылааччылар социальнай ситимнэринэн тарҕанар провокационнай ыҥырыыга олохтоох дьон киирэн биэрбэттэригэр, оннук ис хоһоонноох ыҥырыылары тарҕатартан туттунарга сүбэлииллэр.
Оннук тэрээһиҥҥэ кыттыы, дьону ыҥырыы иһин сокуон быһыытынан, эппиэтинэс сүктэриллэр. Онон оҕолоргутун, эдэр ыччаты сэрэтиҥ диэн ИДьМ Саха Сиринээҕи салаата иһитиннэрдэ.
Соторутааҕыта тахсыбыт «Слово пацана» туох баар иирсээни барытын бөлөҕүнэн охсуһуу, дьону кырбааһын нөҥүө быһаарсар 1990 сыллардаах олохпут хартыынатын ойуулуур киинэни үгүс дьон үөрэ-көтө ылыммыттара. Баҕар, ол дьоруойдарын үтүктэн, уолаттары хомуйан сутурук көмөтүнэн быһаарса барыы итинник ыар сүтүктээх буоларын көрдөрдө.
Хаартыска: https://sakhapress.ru/archives/291929
-
0
-
0
-
0
-
0
-
0
-
0
