Хаппахчыга хаайтарбыт курдук суотабай төлөпүөнтэн куйаар ситимигэр тахсар харгыстаммыта. Дьон VPN хачайдаан, төлөпүөнүн настройкатын хасыһа сатаабыта. Дьокуускайга үгүс маҕаһыыннар, оптуобустар терминаллара кыайан үлэлээбэккэ кумааҕы харчынан төлөһөргө көспүттэрэ. Сорох суоппардар сиэптэригэр саатар кэлтэгэй кэппиэйкэтэ суох дьону оптуобустан үүрэн таһаарарга күһэллибиттэрэ. Онон дьон банкоматтан суһаллык харчы уста тиэтэйбитэ.
Төһө даҕаны сыыппара үйэтигэр төлөбүр онлайн буолбутун иһин, итинник балаһыанньаҕа түбэспэт туһугар сэрэххэ кумааҕы харчылаах сылдьар ордук эбит. Билиҥҥи үйэҕэ туох барыта буолуон сөп. Ону бу түөрт күн устата куйаар ситимиттэн арахсан олорбуппут кэрэһилээтэ.
Бэҕэһээ ыкса түүн: «Сибээс кэллэ!», — диэн үөрүүлээх сонун социальнай ситимнэри тилийэ көттө. Күн бүгүн бары мессенджердэр уруккуларын курдук үлэлииллэр, оннооҕор көмпүүтэргэ анал сыһыарыы нөҥүө “бассаабка” киирэбит.
Хаартыска: СИА https://ysia.ru/telegram-v-yakutii-dogonyaet-po-populyarnosti-whatsapp/
-
0
-
0
-
0
-
0
-
0
-
0
