Германияҕа олунньу 1 күнүттэн нэдиэлэҕэ түөрт күн үлэлиир пилотнай бырайыак олоххо киирдэ. Маннык эспэримиэни сыл аҥаарын устата оҥоруохтара, бырайыакка 45 хампаанньа кыттар. Эспиэртэр этэллэринэн, сынньалаҥ күн эбилиннэҕинэ, дьон үлэтиттэн сылайан эрдэ эстэн хаалара, истириэстээн үлэтин илиитин таһынан оҥороро, уһун кэмнээх больничнайга барара аҕыйыан сөп. Ол туһунан «РБК» иһитиннэрэр. https://www.rbc.ru/economics/27/01/2024/65b505a09a79473801c853ac
Германияҕа олунньу 1 күнүттэн нэдиэлэҕэ түөрт күн үлэлиир пилотнай бырайыак олоххо киирдэ. Маннык эспэримиэни сыл аҥаарын устата оҥоруохтара, бырайыакка 45 хампаанньа кыттар. Эспиэртэр этэллэринэн, сынньалаҥ күн эбилиннэҕинэ, дьон үлэтиттэн сылайан эрдэ эстэн хаалара, истириэстээн үлэтин илиитин таһынан оҥороро, уһун кэмнээх больничнайга барара аҕыйыан сөп. Ол туһунан «РБК» иһитиннэрэр. https://www.rbc.ru/economics/27/01/2024/65b505a09a79473801c853ac
Ньиэмэстэр нэдиэлэҕэ түөрт күн үлэлииллэр эрээри, хамнастара кыччаабат. Дойдуга үлэһит илии тиийбэт буолан, ону таһынан, инфляция үрдээн, үгүс тэрилтэлэр дьон хамнаһын үрдэтэргэ күһэллибиттэрэ. Поеһы ыытар машинистар алта күннээх забастовка биллэрбиттэрэ, кинилэр нэдиэлэтээҕи үлэ чааһын 38-тан 35-кэ диэри кыччатарга уонна хамнаһы оннунан хаалларарга туруорсубуттара. Тутааччылар сойуустара хамнаһы 20% үрдэтэргэ модьуйбуттара.
Күн бүгүн ньиэмэс хампаанньаларын аҥаардарыгар үлэһит илии тиийбэт, ол иһин Колумбияттан кытта кэлии дьону үлэҕэ ылаллар.
Германияттан ураты нэдиэлэҕэ түөрт күн үлэлиир эрэсиимҥэ Нидерланды, Дания, Норвегия, Швейцария көспүттэрэ. АХШ, Япония, Испания, Новая Зеландия о.д.а. дойдулар эмиэ түөрт үлэ күннээх нэдиэлэҕэ көһөр санаалаахтар.
Хаартыска: https://www.tvrus.eu/news/people/v-germanii-testiruyut-chetyrehdnevnuyu-rabochuyu-nedelyu/