СӨ Ил Дарханын уонна Бырабыыталыстыбатын пресс-сулууспата иһитиннэрэринэн, бойобуой дьайыылар бэтэрээннэрэ, кинилэри кытта бииргэ олорор дьиэ кэргэттэрэ, байыаннай дьайыы кыттыылаахтарын дьиэ кэргэттэрэ дьиэлэригэр гааһы киллэрэллэригэр, кииннэммит ситимҥэ уонна уотунан ититиини холботтороллоругар биир кэмнээх аадырыстаах матырыйаалынай көмөнү туһаныахтара.
Ол туһунан атырдьах ыйын 12 күнүгэр Дьокуускайга буолбут брифиҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов санаппытынан, бойобуой дьайыылар бэтэрээннэрэ, кинилэри кытта бииргэ олорор дьиэ кэргэттэрэ, байыаннай дьайыы кыттыылаахтарын дьиэ кэргэттэрэ төһө дохуоттаахтарыттан тутулуга суох чааһынай дьиэлэригэр гааһы киллэрэллэригэр, кииннэммит ситимҥэ уонна уотунан ититиини холботтороллоругар биир кэмнээх аадырыстаах матырыйаалынай көмөнү ылар бырааптаахтар, өскөтө холбонорго тиэхиньиичэскэй усулуобуйалара барыта баар буоллаҕына.
“Ороскуот испииһэгэр гаас ситимин тутуу, олорор дьиэҕэ ититэр ситими тардыы, ол иһигэр наадалаах оборудованиены атыылаһыы, холботторуу, ититэр ситими таҥыы (монтаж) киирэллэр. Көмө саамай улахан кээмэйин сыаната бачча буолар: гааһы киллэриигэ — 150 тыһ. солк. диэри, кииннэммит итиигэ холбонуу — 140 тыһ. солк. диэри, уотунан ититиини холботторууга — 50 тыһ. солк. диэри. Матырыйаалынай көмөнү оҥорторорго муниципальнай тэриллии дьаһалтатыгар эбэтэр олорор сиргитинэн куораттааҕы уокурук управатыгар тиийэн этэҕит”, – диэн быһаарда Георгий Степанов.
Георгий Михайлович эппитинэн, Саха Сиригэр байыаннай сулууспалаахтарга –Анал байыаннай дьайыы кыттыылаахтарыгар, кинилэр дьиэ кэргэттэрин чилиэннэригэр салгыы өйөбүл оҥоһулла туруоҕа.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
