Бу бырааһынньык дойду Бэрэсидьиэнин уурааҕынан 1994 сыллаахха бигэргэтиллибитэ. Маҥан өҥ эйэни, эҥкилэ суох ыраас буолууну бэлиэтиир, халлаан күөҕэ өҥ – эрэли, бэриниилээх буолууну, кыһыл – Аҕа дойду туһугар тохтор хааны кэрэһэлиир.
Арассыыйа былааҕын официальнай, спортивнай тэрээһиннэргэ өрө көтөҕөллөр, былаах төрөөбүт дойдуга бэриниилээх буолууга иитэр, кыайыыга кынаттыыр, араас эрэгийиэннэргэ, национальнай өрөспүүбүлүкэлэргэ олорор омуктары сомоҕолуур.
Аан бастаан Арассыыйа империятын былааҕын ыраахтааҕы Бүөтүр I саҕана атыы-эргиэн хараабылларыгар көтөхпүттэрэ. 1705 с. маҥан, халлаан күөҕэ, кыһыл өҥнөөх былааҕы өрө көтөҕөр буолбуттара.
Араас ыраахтааҕы кэмигэр былаах өҥө хаста даҕаны уларыйа сылдьыбыта. Сэбиэскэй былаас саҕана кыһыл былааҕы күөрэччи туталлара. Онтон 1990-ус сыллар саҕаланыыларыгар триколору төнүннэрбиттэрэ. Арассыыйа былааҕын чиэстиир бырааһынньык улуу держава олохтоохторо буоларбытынан киэн туттарга, Аҕа дойдуну таптыырга, бэриниилээх буоларга үөрэтэр.
Хаартыска: Якутия. Инфо, susu.ru
-
1
-
0
-
0
-
0
-
0
-
0
