“СӨ Олох-дьаһах хомунаалынай хаһаайыстыбата” СӨ судаарыстыбаннай унитарнай тэрилтэтин кэлэктиибэ бу күннэргэ Курскай уобалас олохтоохторугар гуманитарнай көмөнү оҥорор сыаллаах эми-тому, наадлаах табаары, аһылык бородууксуйтаны, кэтэр уонна утуйар таҥаһы хомуйдулар.
Тэрилтэ салайааччыта, Ил Түмэн дьокутаата Виталий Чикачев ийэ дойдубутугар уодаһыннаах куттал суоһаабытыгар Саха Сирин олохтоохторо бары турунан, ким-туох кыайарынан, сатыырынан көмө оҥорор: “ Өстөөх Курскайга өтөн киирбитигэр биһиги дойдубут былааһа, бары былаас уорганнара, кыраасданнара, тэрилтэлэрэ, “Эдэр гвардия” актыбыыстара бары биир киһи курдук алдьархайы утары сомоҕолоһон, түмүстүлэр. Биһиги кэлэктииппит көмөнү оҥорорго куруук инники эрэккэ көҕүлээччинэн сылдьар уонна биир дойдулаахтарбытыгар - Курскай олохтоохторугар самныбат санааны, тулууру баҕаран тураммыт, кинилэри кытта бииргэбитин биллэрэбит ”, -диэн бар дьону түмсүүлээх буоларга, Кыайыыга эрэли тутуһарга ыҥырар.
Көмөнү хомуйуу пууна Дьокуускай куорат Курашов уулуссатын 24 дьиэтигэр, 405 кэбиниэккэ (“Биир Ньыгыл Арассыыйа” баартыйа уопсастыбаннай ыстааба) баар. Билигин дойдубут болҕомтото барыта Курскай уобаласка хатанан турар, Арассыыйа олохтоохторо балаһыанньаны кыраҕатык кэтииллэр уонна эмсэҕэлээбит дьоҥҥо көмөлөһөргө бэлэмнэр.
Россия бары муннуктарыттан эмсэҕэлээбит дьоҥҥо волонтердар көмөнү оҥоро тиийдилэр.
Ким волонтер буолуон баҕарар, бу сигэнэн сайаапканы толоруҥ:
https://vk.cc/cheQJq
Саха Сирэ бүттүүнэ эhигини кытта!
Хаартыска Ил Түмэн пресс-сулууспатын саайтыттан
-
0
-
0
-
0
-
0
-
0
-
0
