Кытаанах нэһилиэгин баһылыга Егор Николаевич Потапов дуоһунаһыгар киириэҕиттэн быар куустан олорботох салайааччынан биллэр. Сылдьар ыыра киэҥинэн, баран-кэлэн, кэпсэппитэ-ипсэппитэ эрэ баар буолар.
Бу сырыыга Егор Николаевич төһө даҕаны уоппускатыгар сырыттар, Амурскай уобаласка РФ Тыатын хаһаайыстыбатын миниистирэ Оксана Луту кытары көрсүһүүгэ быһаччы кыттыыны ылла.
Манна Хабаровскай, Забайкальскай кыраай уонна Сахалин уобалаһын бэрэстэбиитэллэрэ кыттыыны ыллылар. Саха Сириттэн чуолаан Чурапчы улууһун Килэҥки бөһүөлэгин аҕа баһылыга Егор Потапов сахалартан соҕотоҕун кытынна уонна миниистиргэ быһаччы, өрөспүүбүлүкэбитигэр ылыныллыбыт “Сылгы сокуонун” туһунан бэрээдэктииргэ туруоруста итиэннэ миниистири Кытаанах нэһилиэгэр ыалдьыттыы кэлэригэр ыҥырда.
Онуоха РФ Тыатын хаһаайыстыбатын миниистирэ Оксана Николаевна, эһиилги 2025 сылга хайаан даҕаны Кытаанахха кэлэ сылдьыах буолан эрэннэрдэ.
Информация, хаартыска Арктик пост саайтыттан ылылынна
-
2
-
0
-
0
-
0
-
0
-
0
