Ол курдук, Мэҥэ Хаҥалас Томтор, Наахара, Майа нэһилиэктэриттэн уонна Саха Сирин атын улуустарыттан сылдьар байыастары кытта көрсөн,
хайдах эмтииллэрин билистэ, туох кыһалҕалаахтарын туоһуласта. Ону кытта, эмтэниигэ, чөлгө түһүүгэ олус наадалаах иҥэмтиэлээх аһы аҕалан тиксэрдэ. Уолаттар дойдуларын аһын бэлэмнээн ыыппыт Дьокуускайдааҕы култуура уонна искусство кэллиэһин уһуйааччыларыгар махталларын тиэртилэр.
Захар Никитин бородуукталары госпиталга сытар байыастарга тиксэрэргэ күүс-көмө буолбут «Саха волонтердар» хамсааһын актыбыыстарыгар махталын биллэрдэ.
Санатар эбит буоллахха, култуура уонна искусство кэллиэһин кэлэктиибэ олунньу ыйга Санкт-Петербург куорат байыаннай госпиталларыгар эмтэнэр байыастарга 200 кг. дойдуларын аһын бэлэмнээн ыыппыта. Ону таһынан, кэллиэс эр дьоно Анал байыаннай дьайыы кыттыылаахтарыгар матаһыыкыл көлө ылан биэрэн, кыайыыга сэмэй кылааттарын киллэрбиттэрэ.
Хаартыскалар https://t.me/zakharnikitin
-
2
-
0
-
0
-
0
-
0
-
0
