Хаарбах дьиэттэн дьону көһөрөр өрөспүүбүлүкэтээҕи бырагыраама чэрчитинэн 2025 с. балаҕан ыйын 1 күнүгэр диэри 59,4 тыһ. киһини 1 129,4 тыһ. кв. м. иэннээх дьиэттэн көһөрүөхтээхтэр. 2024 с. уопсайа 64,4 тыһ. кв.м. иэннээх дьиэни 9,2 млрд. солк. атыылаһарга судаарыстыбаннай хантыраак түһэрсибиттэр.
Ону таһынан, хаарбах дьиэни бас билээччилэргэ 137 киһиэхэ толуйуу харчытын биэрэргэ сөбүлэһии оҥоһуллубут. 7,4 тыһ. кв.м. иэннээх дьиэҕэ 569,9 мөл. солк. көрүллүбүт. Биллэн турар, хаарбах дьиэҕэ биир кв. миэтэрэни 77 014 солк. аахтахха, 1,5-2 мөл. солк. толуйуу харчытын ылбыт дьон билиҥҥи сыананан биир кв. миэтэрэ 150 000 солк. тиийбит кэмигэр саҥа дьиэни атыылаһар кыахтара суох.
Салгыы миниистир 2022-2023 сс. бырагыраама туолуутун туһунан билиһиннэрдэ. 2022 с. былаанынан 2023 с. 123 дьиэ тутуллан киириэхтээҕиттэн күн бүгүн 112-тэ эрэ тутуллубут.
11 дьиэ Мэҥэ Хаҥалас, Уус Алдан, Үөһээ Бүлүү, Өлөөн, Эбээн Бытантай, Ньурба, Нерюнгри улуустарыгар тутулла тураллар. Онтон алтата 90-99% бүтэн эрэллэр, биэс эбийиэк 40-69% тутуллубут. Тутааччылар кыраапыктан хаалан иһэллэрин сүрүн төрүөтэ — Аартыка оройуоннарыгар уонна кытыы нэһилиэктэргэ тутуу матырыйаалларын, анал тиэхиньикэни тиэрдии кэккэ уустуктардааҕа атахтыыр эбит. Ону таһынан, инженернай тиһиликкэ холбонууга кыһалҕа үөскээбит, 2023 с. сиэмэни, үлтүркэй тааһы ситэри тиэйбэтэхтэр. Бары тутааччыларга эбэһээтилистибэлэрин булгуччу толоруохтаахтарын туһунан сэрэтиини ыыппыттар.
2023 с. былаанынан 51 дьиэ тутуллан үлэҕэ киириэхтээҕиттэн 15-һэ эрэ тутуллубут, онтон 36-та улуустарга тутулла турар.
Хаартыска: https://exo-ykt.ru/
-
0
-
0
-
0
-
0
-
1
-
0
