Бэлиэ 2025 сылтан бэйэлэрин уопуттарын уонна билиилэрин эдэр ыччакка иҥэрбит, бэйэлэрин салааларын сайдыытыгар дьоһун кылааттарын киллэрбит туруу үлэһиттэргэ туттарыллыаҕа.
Бу бэлиэ сыллата 10-тан ордуга суох киһиэхэ туттарыллыаҕа. Бэлиэнэн наҕараадалааһыҥҥа хадатаайыстыба, матырыйааллар СӨ Үлэ уонна социальнай сайдыы министиэристибэтигэр түһэриллэллэр, ол кэннэ 5 хонук иһинэн «Саха Өрөспүүбүлүкэтин Бочуоттаах настаабынньыга» бочуоттаах бэлиэнэн наҕараадалааһын хамыыһыйатыгар тиксэриллиэхтээх.
Киирбит докумуоннары хамыыһыйа сыл аайы кулун тутар 31 күнүгэр диэри көрүөхтээх, ылыммыт быһаарыы боротокуолланар уонна СӨ Ил Дарханын иһинэн судаарыстыбаннай наҕараадаларга хамыыһыйатыгар ыытыллар. Бочуотаах бэлиэнэн наҕараадалааһын СӨ Ил Дарханын Ыйааҕынан ыам ыйын 1 күнүн – Саас уонна Үлэ күнүн көрсө ыытыллар.
Матырыйаал уонна хаартыска СӨ Ил Дарханын уонна Бырабыыталыстыбатын пресс-сулууспатыттан
-
0
-
0
-
0
-
1
-
0
-
0
