Уопсастыба

Кытай дьахтар-таҥараны Нүйваны эриэн үөн эттиктээх уонна киһи төбөлөөх курдук ойуулууллар. «Шань хай цзин» диэн номох кинигэтигэр таҥаралар эриэн үөннэри киэргэл быһыытынан кэтэллэрин ойуулааһыннара бааллар.

Эриэн үөҥҥэ маннык майгылары суруйаллар: өйдөөх, албаһырыылаах, өтө көрүмтүө, бэриниилээх. 2025 сылга бэлиэни атаарар өҥ уонна айылҕа (күөх, мас) инники сайдыыны уонна инникигэ дьулуһууну көрдөрөллөр.

Илиҥҥи гороскуопка уон икки харамай, хас биирдии уон икки сыл устата уочаратынан дьон олоҕор сабыдыаллыыллар.
Итини таһынан биэс “стихия” (уот, сир, тимир, уу уонна мас) эмиэ баар, хас биирдиилэрэ чопчу дьэрэкээн ойуулаах өйдөнөллөр.

Эриэн үөн Илиҥҥи дойдуга үгэс быһыытынан эйэлээх уонна сымнаҕас харамайдарынан ааҕыллаллар, ол гынан баран кинилэри намтатыа суохтаахпыт. Кутталлаах түбэлтэҕэ эриэн үөн өстөөҕү тэйитэр кыахтаах. Дьиэ аттыттан эриэн үөнү булуу улахан дьол бэлиэтинэн ааҕыллара.

Илиҥҥи гороскуопка 12 эрэ харамай киирэринэн, бииртэн биир сылга кэлэр бэлиэ уочаратынан уларыйан иһэр буолан, эриэн үөн сыла уон икки сыл буола-буола хатыланар. Ол аата: 1917, 1929, 1941, 1953, 1965, 1977, 1989, 2001, 2013, 2025 сылларга эриэн үөн сыла буолан тахсар.

Кытай халандаарыгар моҕой суолтата

Эриэн үөн биир уратыта диэн тириитин уларытар кыаҕа буолар. Онон кини сыла үксүн саҥардыллыыны, уларыйыыны кытта сибээстээх, ол аата бу рептилия бэлиэтинэн ааһар сыл ахсын дьор уларыйыыга бэлэм буолуохтаахтар.

– Эриэн үөн сыаллаах-соруктаах харамай буолар, ол таһынан тулуурдаах, быһаарыыны ылынарыгар ыксаабат. Маннык хаачыстыбалар соругу ситиһэргэ туһалаах буолуохтарын сөп.
2025 сыл өйгө-санааҕа, сэрэхтээх буолууга уонна кээмэйдээх хардыыларга олоҕурар. Үчүгэй өйү-санааны, толкуйдаах буолууну уонна көрүүлэри сыаналыыр дьоҕуру тутуһуу ирдэнэр. Хас биирдии күн итинник хаачыстыбаттан саҕаланыахтаах: киһи чуолкайдык толкуйдаабыт, ырааҕы көрөр былааннаах буолуохтаах. Итинник былааннаах эрэ киһи үтүө көдьүүстээх дьайыыны саҕалыан сөп, оччоҕо сыалы ситиһэргэ үчүгэй кыах үөскүүр, - диэн нумерологтар бэлиэтииллэр.

Күөх моҕой сылын ханна бэлиэтиибит

Моҕой арыый кистэлэҥ харамай буолан, тыастаах-уустаах сирдэртэн, улахан хампаанньалартан тэйэ сатыыр буолан, чугаһаан иһэр эриэн үөн саҥа дьылын сымнаҕас, эйэлээх эйгэҕэ, ордук дьиэҕэ дьиэ кэргэҥҥин уонна чугас доҕотторгун кытта бэлиэтииргэ сүбэлииллэр.

Кэлэр Саҥа дьылы бэлиэтиир сиргитигэр тиэмэлээх киэргэтиилэри талыыга эмиэ болҕомтолоох буолуохтааххыт. Моҕой айылҕаҕа сыһыаннааҕы барытын сөбүлүүр буолан, араас айылҕа декорун туһаныаххын сөп (холобур, кэрэ таастары, эбэтэр дьиэ тула туруоруллубут харыйа лабааларын). Сырдыкка тыгар харыйа оонньуурдара, килибэчийэр киэргэллэр эмиэ эриэн үөн курдук буолуохтара. Харыйаны, эбэтэр бырааһынньык остуолун кэлэр сыл бэлиэтин статуэткатынан киэргэтиэххэ сөп.

Тугу бэлэхтиибит?

Эриэн үөн сылыгар харамай олоххо күннэтэ туттуллар бэлэхтэри олох утарбат, онон Саҥа дьыллааҕы мас анныгар эҕэрдэлиир киһи өрдөөҕүттэн ыра санаатын (саҥа муусука колонкатын, иһит-хомуос набора уо.д.а.) туруоруохха сөп. Харчылаах кэмбиэр эмиэ бэртээхэй бэлэх буолуоҕа уонна, баҕар, киһи Саҥа дьыллааҕы баҕа санаатын олоххо киллэрэригэр кыах биэриэ.
Атын үгүс бырааһынньыктарга курдук, Саҥа 2025 сылга косметиканы, эбэтэр духууну бэлэхтээһин олус болҕомтолоохтук бэриллиэхтээх (итиэннэ эҕэрдэлиир киһи чопчу биллэр буоллаҕына эрэ). Тоҕо диэтэххэ, маннык бэлэххэ сөптөөх бэлэҕи чопчу талар кыаллыбат диэххэ сөп, онон ылыы сөбө суох.
Оттон эриэн үөн араас киэргэллэргэ барытыгар үчүгэйдик сыһыаннаһар. Холобур, кэрэ аҥаардар биһилэхтэри, кулоннары, эбэтэр браслеттары сөбүлүөхтэрэ. Кэлэр сыл бэлиэтигэр убаастабылы эриэн үөн быһыылаах киэргэллэри талан, тоһоҕолоон бэлиэтиэххэ сөп.
Моҕой айылҕаны кытта сибээстээх, ол аата бырааһынньыктааҕы бэлэххэ айылҕа матырыйаалыттан оҥоһуллубут маллары эбии киллэриэххэ сөп. Онтон кэлэр сылга бэйэни сайыннарыыга улахан болҕомто ууруллуохтааҕын быһыытынан, холобур, киһиэхэ карьерата үрдүккэ тахсарыгар, эбэтэр саҥа эйгэҕэ бэйэтин киллэрэргэ көмөлөһүөхтээх маллары биэрэр ордук.

Бэлиэлэр уонна үгэстэр

Хас биирдии киһи саҥа сыл баран эрэр сыллааҕар ордук ситиһиилээх, эйэлээх, кэскиллээх буолуо диэн ыра санаалаах. Саҥа дьыл түүнүгэр дьиэҕэр дьолу-соргуну тардар туһугар, түннүккэ үүттээх кыра бүлүүһэни туруоруоххун сөп: эриэн үөн маннык аһылыгы сөбүлүөҕэ.

Үүнэр сылы ааһан эрэр сыл үчүгэйэ суох таһаҕаһын илдьэ көрсүө суохтааххын. Сүрүн түүнү кэтэһэ олорон, туох баар иэһи төлүүр, хаһан эрэ бэриллибит эрэннэриилэри толорор, дьиэ кэргэни, доҕоттору кытары мөккүөр тахсыбатын туһугар туох кыалларынан барытын оҥорор тоҕоостоох.
Кэлэр сылга дьон тугу баҕаралларын ситиһэллэригэр көмөлөһүөхтээх универсальнай бэлиэлэр эмиэ бааллар. Холобур, 2025 сылга үп-харчы өттүнэн үчүгэй буолууну ситиһиэххин баҕарар буоллаххына, атаҕыҥ таҥаһын анныгар эбэтэр хармааҥҥар харчыны кистиэххин наада.

Моҕой сыла хайдах буолуой?

Эриэн үөн үүнүү-сайдыы, үтүө дьылҕа уонна кэскил бэлиэтинэн ааҕыллар. Мас (стихия) эриэн үөнүн сыла 2025 үгүс дьоҥҥо сыалларын ситиһэр кыаҕы биэриэҕэ, ордук уларыйыыга аһаҕас буоллахтарына, ону тэҥэ сымнаҕас уонна бэйэлэрин интуицияларын истэр буоллахтарына. 2025 сыл улахан суолталаах уларыйыылар уонна үүнүү кэмэ буолара күүтүллэр диэн астрологтар билгэлииллэр. -Эриэн үөн аналитическай уонна стратегическай ньымалаах, онон экэниэмикэ өттүнэн уонна үпкэ, 2025 сыл сэмэй инвөстиция сыла буолуоҕа уонна үп-харчы өттүнэн тэтимнээх уонна туруктаах үүнүү. Ол гынан баран, түргэн барыһы ылыыга уонна сэрэхтээх ньымалары туһанар салаалар уонна тэрилтэлэр ыарахаттары көрсүөхтэрин сөп.

Эриэн үөн сылыгар Мас (стихия) айар күүһэ эмиэ саҥаны айыы сайдыытыгар көмөлөһүөҕэ, тоҕо диэтэххэ, саҥа быһаарыылары буларга, атыннык толкуйдуурга көмөлөһүөҕэ. Аан дойду үрдүнэн эриэн үөн сылын сабыдыалынан улахан уларыйыылар буолуохтарын сөп уонна үөн муудараһа дойдулар бэлитиичэскэй салайааччыларыгар аан дойдутааҕы сыһыаннаһыыларга сөптөөх быһаарыылары ылыналларыгар көмөлөһүөҕэ.

2025 сылга бэрээдэги төннөрүөхтээхпит. Онтон 2024 сыл туох эрэ саҥаны киллэрэр, балаһыанньаны уларытар санаалар уонна сорунуу сыла буоллаҕына, 2025 сыл бу саҥа дьыала кэнниттэн тэтимнээх буолуу сыла буолар. Көһүү кэнниттэн, барытын оннугар туруоран, дьыаланы бэрээдэгинэн туруоруохха наада. 2025 сылга олох саамай күүстээх хайысхата – духуобунай, ол кэмҥэ сыһыаны, дьиэ кэргэни уонна уопсастыбаны кытта сыһыаннаах бириинсиптэр уонна санаалар бастакы миэстэҕэ туруохтара.

Сэрэхтээхтик, тэтимнээхтик, кыра хардыыларынан, суолга тахсан барытын сөп түбэһиннэрэн дьаһаныаххын наада. Ыксал ханнык баҕарар дьыаланы алдьатыан сөп. Кыра дьыалаҕа болҕомтону уурар улахан суолталаах, тоҕо диэтэххэ, кинилэртэн улахан дьыала тутуллар. Эриэн үөн бэйэтин дьайыытын ылар туһугар өйү-санааны, дьоҕуру биэриэҕэ, оттон күөх өҥ барытыгар саҥардыыны эрэннэрэр.

Эльдар САДОВНИКОВ

Хаартыскалар: Belian Studio / Shutterstock / FOTODOM