Аар тайҕа аарыктаах аартыктарыгар айанньыттары көрсөн аа-дьуо хамсаан ылар, тэҥкэ тиит дөрүн-дөрүн тыынан халыҥаабыт хаар саҕынньаҕын чарааҺатар, сөп-сөп сөргүтэн ыараабыт сонун чэпчэтинэр, алаастарга, хонууларга хотун хаан хатыҥнар ханарыҺа хаамар далбар кэмнэрин санаан хантас гынарга, тэлибирэс тэтиҥнэр тэтимнээх күннэрин санааннар өссө көнөн биэрэргэ, ыҺыктыбаттыы ылсыбыт, өҺүллүбэттии иилсибит иирэ талахтар уйгуну, олохтуур-угуттуур ууга уунан тиийэр кэмнэрин санаан утуйар ууларын умнарга дылылар.
Улуу куйаар таайбараҥ эйгэтин арыйар таҥха күннэрин кистэлэҥин сэрэниин-сэрэнэн сэгэтиэҕиҥ, оргууй-оргууйдук сипсиҺиэҕиҥ, иһийэн, чуумпуран иҺиллиэҕиҥ, долоҕойго киллэриэҕиҥ, толкуйдуур-тобулар туругу тутуҺуоҕуҥ. Инникини толкуйдуурга, билиҥҥини билгэлииргэ уруккуну умнумуохха, ааспыты анаарыахха. Алҕастары хатылаабат, сыыһаларга эргиллибэт туһугар сэмэ-суҥха оннугар сүбэ-ама буолуохха.
Хаартыска: Мария Васильева, СИА.
-
0
-
0
-
0
-
0
-
0
-
0