Тохсунньу 15 күнүгэр дойду Бэрэсидьиэнэ Владимир Путин Улуу Кыайыы 80 сылыгар бэлэмнэнии үлэтин туһунан «Победа» тэрийэр кэмитиэт мунньаҕын ыытта. Онно Аҕа дойдуну көмүскээччилэр ааттарын үйэтитии, «Килбиэннээх үлэ куората» ааты иҥэрии, бэтэрээннэргэ көмө туһунан кэпсэттилэр. Кини губернатордары, эрэгийиэннэр баһылыктарын бэтэрээннэргэ улахан болҕомтону ууралларыгар соруйда. Эрэгийиэн Бочуоттаах олохтооҕо буола илик буоллахтарына, оҥорорго, пааматынньыктары, өйдөбүнньүктэри чөлүгэр түһэрэргэ соруйда.
Маны тэҥэ, анал ыйаахха илии баттаабытын туһунан иһитиннэрдэ. Ол курдук, фронтовиктарга уонна кинилэр огдооболоругар, концлааҕырга оҕо сылдьан түбэспит дьоҥҥо 80-нуу тыһыынча солкуобай, тыыл бэтэрээннэригэр, Ленинград блокадатын кыттыылаахтарыгар, концлааҕырдар хаайыылаахтарыгар, ПВО, муора, авиа-баазаларга үлэлээбит, оборуона тутууларын туппут дьоҥҥо 55-тии тыһыынча солкуобай төлөнүөҕэ.
ххх
Ону тэҥэ ,СӨ Үлэ, социальнай сайдыы министиэристибэтэ тохсунньу14 күнүгэр иһитиннэрбитинэн, Кыайыы 80 сылын көрсө, Аҕа дойду Улуу сэриитин кыттыылаахтарыгар биирдэ бэриллэр төлөбүрдэр оҥоһулуннулар.
— Кыайыы үбүлүөйүн дьоһуннук көрсүү бүгүн биһиэхэ инники күөҥҥэ турар сыал-сорук. Ил Дархан Айсен Николаев сорудаҕынан, үбүлүөйдээх сыл бастакы үлэ күннэригэр сэрии бэтэрээннэригэр төлөбүрдэр төлөннүлэр. Ол курдук, Аҕа дойду сэриитин бэтэрээнигэр төлөбүр суумата 2 мөлүйүөн солкуобайга тэҥнэстэ, — диэн миниистир Елена Волкова бэлиэтээтэ.
Хаартыска: 1.chgpu.edu.ru
-
1
-
0
-
0
-
0
-
0
-
0
