Өбүгэм саҕаттан бэриллибитинэн, төрүттэрим эппиттэринэн тохсунньуттан да толлубат, тымныыттан да тымтыбат, тумарыгы тумнубат тулуурдаахпын, кыстык кыҺарҕаныгар да кыһаллыбакка, көҕүрээбэккэ көҕүлүүр күүстээхтээхпин - мин сахабын! Тоҕоостоох түгэҥҥэ хадаардарга хардарсар харса суох санаалаах дьонноох, баттыгастаах санаалаахха батары- өтөру саҥарсар, уҥа- хаҥас бырахсар бастыҥнардаах киһи киэнэ килбиэннээҕэ дьонноох сахалар буолабыт. ХоҺууну- хорсуну намыынныын-нарынныын наскылдьыта алтыҺыннарар, томороон, тоһуттар толоос тыыннаах кыһыҥҥы күннэри даҕаны, күрүлэс куйаас, сырылатар сылаас даҕаны биир тэҥник тулуйар, ылынар дьикти күүстээхтээх сахаларбыт. Хас биирдии күн хаһан даҕаны хатыламмат кэрэтигэр куустарыах, манньытар маанытыгар сууланыах, биирдэ бэриллибит олох үтүөтүгэр махтаныах.
Хаартыска: эрэдээксийэ архыыбыттан.
-
0
-
0
-
0
-
0
-
0
-
0
