Ол курдук, ыаллыы сытар Өлтөх нэһилиэгиттэн айааннаан кэлбит, Улуу Кыайыы былааҕын үөрүүлээх быһыыга-майгыга көрүстүбүт.
Кыайыы былааҕын арыаллыыр бөлөҕү Уус-Алдан улууһун дьокутааттарын Сэбиэтин бэрэссэдээтэлэ Иннокентий Иннокентьевич Аммосов салайан аҕалла.
Бөлөххө ыстаарсай сержант Роман Николаевич Ноговицын - хорсун быһыы иһин мэтээлинэн наҕараадаламмыт, Анал байыаннай дьайыы кыттыылааҕа, Станислав Александрович Кириллин - Бахмут куораты ылыы иһин «Эр Хоһуун (Хара Кириэс)» уордьанынан наҕараадаламмыт, Анал байыаннай дьайыы кыттыылааҕа киирэннэр, тэрээһиҥҥэ кытыннылар.
Ону кытта Айаал Эдуардович Степанов - Уус-Алдан улууһун дьаһалтатын дьиэ кэргэн уонна ыччат политикатын управлениятын салайааччыта, Мария Платоновна Винокурова - Уус-Алдан улууһугар «Бастыҥнар» оҕо хамсааһынын салайааччыта Курбуһах олохтоохторугар Улуу Кыайыы бэлиэтин – Кыайыы былааҕын көрдөрдүлэр, кэпсээтилэр, хаартыскаҕа түһэрдилэр диэн олохтоох "Сандал" сынньалаҥ кииниттэн биллэрэллэр.
Хаартыскалар: Курбуһах нэһилиэгин дьаһалтата
-
2
-
0
-
0
-
0
-
0
-
0
