Айсен Николаев тохсунньу 27 күнүгэр, Бырабыыталыстыба уонна дьаһалта салайааччыларын кытта нэдиэлэтээҕи былааннааһыны тэрээһин кыттыылаахтарын тургутууттан саҕалаата. Онон мунньах кыттыылаахтара дойду уонна өрөспүүбүлүкэ устуоруйатыгар билиилэрин бэрэбиэркэлэннилэр.
Манна Аҕа дойду Улуу сэриитэ саҕаланыаҕыттан аныгы кэмҥэ диэри бэлиэ түгэннэр киирбиттэр.
“Аҕа дойду Улуу сэриитин туһунан өйдөбүл, өбүгэлэрбит хорсун быһыылара уонна аныгы кэм бэлиэ түгэннэрэ хас биирдии киһиэхэ суолталаах. Билиэхтээхтэр. Бүгүҥҥү мунньах бу бэлиэ түгэннэргэ анаммыт ыйытыылартан саҕаланна. Бу курдук көҕүлээһиннэр билиини эрэ бэрэбиэркэлииргэ көмөлөспөттөр, элбэх омуктаах Арассыыйа норуоттарын улуутун туһунан санаталлар. Түмүк көрдөрбүтүнэн, үгүстэр үчүгэй билиилээхтэр, ол эрээри, сорох тиэмэлэри дириҥэтэн үөрэтэр ирдэнэр эбит”, – диэн Айсен Николаев бэрэбиэркэ түмүгүн үллэстибит.
Салгыы былаанныыр мунньахха федеральнай киин көҕүлээһиннэрин киллэрии туһунан кэпсэтиигэ байыаннай дьайыы бэтэрээнэ дастабарыанньаны баҕа өртүнэн кыттааччыларга биэрии бэрээдэгэ судургутуйбутун бэлиэтээтилэр. Байыаннай чаастартан бары докумуоннар баҕа өртүнэн кыттааччы учуокка турбут байыаҥкамаатыгар кэлиэхтээхтэр. Ол кэннэ, эрэгийиэннээҕи байыаҥкамаат хамыыһыйата бэрэбиэркэ ыыппытын кэннэ, 10 хонук иһинэн быһаарыы ылыныллыахтааҕа билиннэ.
Ону тэҥэ волонтердар, айылҕаны харыстааһыҥҥа, ураты харыстанар айылҕа территорияларыгар кыылы, үүнээйини харыстааһыҥҥа туһуламмыт сокуоннары тутуһууга судаарыстыбаннай уорганнары кытта үлэлээһиннэригэр саҥа сүүрэн киирбитин эттилэр. Иккиһинэн, саастарын ситэ иликтэр сокуону кэһиилэрин уонна көрүүтэ-истиитэ суох сылдьыыларын профилактиклааһыҥҥа волонтердар үлэлэһиилэригэр өрөспүүбүлүкэ бырабыыталыстыбата саҥа киллэриилэри учуоттаан бэлэмнэнии үлэтин ыытарыгар сорудахтанна. Бу үлэ барыта РФ уурахтарыгар олоҕуран ыытыллар.
Салгыы Ил Дархан РФ Бырабыыталыстыбата Уһук Илиҥҥэ киинэ иднустрията сайдарыгар 400 мөл. солк. көрөр былааннааҕын санатан, РФ култуураҕа министиэристибэтэ ыытар сүүмэрдээһиннэригэр көхтөөхтүк кыттарга ыҥырда.
Ил Дархан уонна Бырабыыталыстыба пресс-сулууспата
Хаартыска: Саргын Скрябин
-
1
-
0
-
0
-
0
-
0
-
0
