Ол курдук, бэҕэһээ Саха Сирин Ил Дархана Айсен Николаев “Якутия, вперед!” биэриигэ тохсунньу ый түмүктэрин таһаарарыгар ыччат туһунан сокуоҥҥа уларыйыы киириэҕэ диэн бэлиэтээтэ.
“Саха Өрөспүүбүлүкэтин судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай иитии” диэн өйдөбүл киирбэтэх.
Быйыл Улуу Кыайыы 80 сылыгар, дойдуга Аҕа дойдуну көмүскээччи, өрөспүүбүлүкэҕэ Ийэ дойдуну көмүскээччи биллэриллибит сылларыгар Ыччат бэлиитикэтин туһунан сокуоҥҥа хайаатар да “патриотическай иитии”, “ыччаты духуобунай-сиэрдээх иитии” диэн өйдөбүллэр нуормалыыр-быраап аахталарын быһыытынан киириэхтэрэ”, — диэн дойдуга бэриниилээх буолуу, ийэ дойдуга таптал өйдөбүллэрэ биһиги уопсастыбабытыгар куруук сыаналаныахтаахтарын санатта.
Хаартыска: СИА
-
1
-
0
-
0
-
0
-
0
-
0
