Национальнай бибилэтиэкэҕэ түөрт сиринэн арахсан саха тылын таптааччылар билиилэрин тургутуохтара. Хас биирдии кыттааччыга сэртипикээт, оттон үчүгэйдик суруйбуттарга – дьупулуом уонна өйдөбүнньүк бириис туттарыахтара.
Сахалыы дьыктааны үгэс курдук өрөспүүбүлүкэ бары бибилэтиэкэлэригэр суруйаллар. Былырыын 4 тыһ. тахса киһи суруйбут. Кыттааччы ахсаана хааччахтаах, онон 8 (4112) 455-855 төлөпүөнүнэн суруйтараргыт ирдэнэр.
Аахсыйа саха тылыгар дьон болҕомтотун тардыыга, сахалыы таба суруйуу үөрүйэҕин олохсутарга, иҥэрэр сыаллаах ыытыллар.Тэрийээччилэр: Саха Өрөспүүбүлүкэтин Национальнай бибилэтиэкэтэ, М.К. Аммосов аатынан ХИФУ РФ Хотугулуу-Илиҥҥи норуоттарын тылларын уонна култуураларын Үнүстүүтэ.
Хаартыска: эрэдээксийэ архыыбыттан
-
0
-
0
-
0
-
0
-
0
-
0
