Олунньу 7 күнүгэр оройуон активын мунньаҕар баһылык Д. В. Аммосов Муомаҕа саҥа ананан үлэлии кэлбит кылаабынай бырааһы С. М. Березины тэрилтэ салайааччыларыгар билиһиннэрдэ. Семён Максимович үлэтин-хамнаһын туһунан Я. Р. Бережнев сырдатта. Харда тылыгар Березин С. М. бэйэтин олоҕун кылгастык билиһиннэрдэ, хоту сир олохтоохторун чэгиэн доруобуйаларын туһугар тэрилтэ салайааччыларын бииргэ үлэлииргэ, бэйэ-бэйэни өйүүргэ ыҥырда.
Салгыы оройуон баһылыга Д. В. Аммосов 3 сылтан ордук кылаабынай бырааһынан үлэлээн кэлбит, оройуон киинигэр улахан балыыһа комплексын тутуутун киллэрсибит, Улахан Чыыстайга участковай балыыһа туттарбыт Яков Романович Бережневка махтанан туран, Муома оройуона бэлиэлээх чаһыны уонна Махтал суругу туттарда. Яков Романович тэрилтэ салайааччыларыгар, үлэлээбитин тухары биир тылы булан оройуон сайдыытыгар тэҥҥэ үлэлэспит кэллиэгэлэригэр истиҥ махтал тылларын эттэ.
Хаартыска Улусмедиа
-
0
-
1
-
0
-
0
-
0
-
0
