“Бүгүн өрөспүүбүлүкэ Ил Дархана Айсен Николаев Аҕа дойду Улуу сэриитин 7 кыттыылааҕар бэйэтин Ыйааҕынан Саха Сирин Бочуоттаах олохтооҕо ааты иҥэрдэ. Онон билигин бу үрдүк ааты кыргыһыы хонуутугар Улуу Кыайыыны уһансыбыт 9 сэрии кыттыылааҕа сүгэллэр.
Билигин Саха Сиригэр 10 Арассыыйа Федерациятын Дьоруойдаахпыт. Онон биһиги киэн туттабыт уонна кинилэр өссө да элбиэхтэрэ диэн эрэнэбит”, -диэн, Саха Сириттэн кыттар буойуттарбыт ытык иэстэрин чиэстээхтик толороллорун бэлиэтээтэ.
Тэрээһин саҕаланыытыгар Аҕа дойду иһин сырдык тыыннарын толук уурбут бары буойуттары саҥата суох соҥуоран туруунан кэриэстээтилэр.
Арассыыйа Федеарциятын Бэрэсидьиэнэ Владимир Путин Ыйааҕынан буойун ытык иэһин толоруу кэмигэр көрдөрбүт хорсун быһыытын иһин рядовой, стрелок Григорьев Максим Валерьевич өлбүтүн кэннэ Хорсун быһыы уордьанынан наҕараадаланна. Парламент бэрэссэтээлэ наҕарааданы буойун кэргэнигэр Григорьева Валентина Викторовнаҕа туттарда.
Хорсун быһыы уордьанынан рядовой, разведчик-снайпер Гладких Алексей Олегович, ыстаап начаалынньыга, старшай сержант Семенов Алексей Сергеевич наҕараадаланнылар.
Буойун ытык иэһин толоруу кэмигэр көрдөрбүт хорсун быһыытын иһин ыстаап начаалынньыгын солбуйааччы, рядовой Максимов Александр Григорьевич, миномент расчетын хамандыыра, сержант Петров Валерий Елизарович “Аҕа дойду иннигэр үтүөтүн иһин” II истиэпэннээх мэтээлинэн наҕараадаланнылар.
Арассыыйа Федерациятын Бэрэсидьиэнэ Владимир Путин Ыйааҕынан буойун ытык иэһин толоруу кэмигэр көрдөрбүт хорсун быһыыларын иһин пехота взводун хамандыыра, рядовой Алексеев Геннадий Анатольевич, разведка отделениетын хамандыыра, рядовой Васильев Василий Андреевич, пулеметчик, рядовой Ким Андрей Николаевич, сибээс отделениетын хамандыыра, рядовой Козлов Александр Степанович, диверизиялыыр- разведкалыыр бөлөх хамандыыра, рядовой Степанов Афанасий Афанасьевич “Хорсунун иһин” мэтээлинэн наҕараадаланнылар.
Буойун ытык иэһин толоруу кэмигэр көрдөрбүт хорсун быһыытын иһин гранатометчик, рядовой Никифоров Ариан Валерьевич “Хорсунун иһин” I истиэпэннээх мэтээлинэн наҕараадаланна.
Буойун ытык иэһин толоруу кэмигэр көрдөрбүт хорсун быһыыларын иһин пехота отделениетын хамандыыра, младшай сержант Алексеев Алексей Иннокентьевич, пулемечтик, рядовой Мыреев Николай Николаевич, страшай стрелок, старишна Салимов Бахтияр Гаджибаба-оглы уонна взод хамандыыра, старшай сержант Суздалов Леонид Анатольевич “Хорсунун иһин” II истиэпэннээх мэтээлинэн наҕараадаланнылар.
РФ сэбилэнииллэх күүстэрин генеральнай ыстаабын тэрийэр-мобилизациялыыр кылаабынай управлениетын начаалынньыга Евгений Бурдинскай Бирикээһинэн бойобуой дьайыылар кэмнэригэр көрдөрбүт хорсун быһыытын иһин разведчик-пулеметчик, рядовой Ковалев Алексей Николаевич Арассыыйа Федерациятын Оборуонаҕа министиэристибэтин “Буойун-доброволец” мэтээлинэн наҕараадаланна.
Саха Өрөспүүбүлүкэтигэр кылаабынай федеральнай иниспиэктэр Евгений Корнеев буойуттарга дойдубут интэриэһин көмүскүүргэ туруммуттарын иһин махтал тылларын анаата.
Наҕараадаламмыттар ааттарыттан тыл эппит “кореец” диэн позывнойдаах Ким Андрей Николаевич: “Биһиги дьыалабыт дьиҥнээх! Кыайыы биһиэнэ буолуоҕа!”, -диэн ыҥырда.
“Аҕа дойду иннигэр үтүөтүн иһин” II истиэпэннээх мэтээлинэн наҕараадаламмыт ыстаап начаалынньыгын солбуйааччы, рядовой Максимов Александр Григорьевич махтал тылы этэригэр: “Мин бу бастакы үрдүк наҕараадабын Саха Сирин Судаарыстыбаннай Мунньаҕар (Ил Түмэн), кэллиэгэлэрим ортотугар тутарбыттан үөрэбин. Анал байыаннай дьайыыга сылдьан мин эһиги өйөбүлгүтүн, көмөҕүтүн чугастык ылынабын уонна мин туспар кыһалларгытын, долгуйаргытын иһин махталбын биллэрэбин”, -диэн санаатын биллэрдэ.
Ону тэҥэ, бу гранатометчик, ефрейтор Данилов Александр Гаврильевичка, ыстаап начаалынньыгар, старшай сержант Семенов Алексей Сергеевичкэ Ил Дархан Айсен Николаев аатыттан ытыктабыл бэлиэтин -саха быһаҕын туттардылар.
Хаартыска: Ил Түмэн пресс-сулууспата
-
0
-
0
-
0
-
0
-
0
-
0
