Кинини Ил Дархан Айсен Николаев официальнай Телеграм-ханаалыгар эҕэрдэлээтэ.
«Аҕа дойдуну көмүскээччи күнүгэр Андрей Григорьев Арассыыйа Федерациятын дьоруойун Кыһыл Көмүс Сулуһун ылла. Бу наҕараада эр санаа, тулуурдаах буолуу уонна дьоруойдуу быһыы туоһута. Кини өстөөҕү кытта илиинэн киирсибитэ хорсун-хоһуун буоларын уонна Аҕа дойдуга бэриниилээҕин кэрэһэлиир. Андрей Григорьев наҕараада туһугар буолбакка, төрөөбүт дойдутун, табаарыстарын, эйэлээх инники олох туһугар киирсибитэ. Билигин Кыһыл Көмүс Сулус кини түөһүн киэргэтэр, оттон аата Арассыыйа устуоруйатыгар киирдэ», — диэн суруйбут Айсен Николаев.
Арассыыйа дьоруойа Андрей Григорьев Анал байыаннай дьайыы кэмигэр үрдүкү наҕарааданы ылбыт Саха Сириттэн онус буойун. Кини 2024 с. күһүнүгэр ДНР Трудовое бөһүөлэгэр кимэн киириигэ ВСУ боевигын илиинэн охсуһан кыайбыта. Ол туһунан Александр Седалищев документальнай уочаркатын тылбааһын «Ил Түмэн» хаһыакка таһаарбыппыт.
Санатан эттэххэ, Арассыыйа дьоруойа үрдүк ааты Саха Сириттэн Родимир Максимов, Игорь Юргин, Николай Соболев, Александр Колесов, Филипп Евсеев, Алексей Неустроев, Дмитрий Егоров, Дмитрий Куценко уонна Николай Евдокимов ылбыттара.
Хаартыска: sakha.gov.ru https://www.sakha.gov.ru/news/front/view/id/3484284
-
0
-
0
-
0
-
0
-
0
-
0
