Бүгүн, олунньу 24 күнүгэр, Ил Дархан Айсен Николаев телеграм-ханаалыгар биллэрбитинэн, 2024 сыл балаҕан ыйыгар дьоруойдуу тыына быстыбыт Петр Киприяновка Арассыыйа Дьоруойа аат иҥэриллибитин туһунан иһитиннэрдэ. Дьоруой «Монгол» диэн позывнойдаах этэ .
«Өстөөх тирэх пуунугар кимэн киирии кэмигэр БМП массыыната эстибитигэр, Петр контузияланан уонна улаханнык бааһыран да баран, иннин кимҥэ да биэрбэккэ, байыастарга хорсун-хоодуот буолуу холобурун көрдөрбүтэ. Кини быһаарыныытынан уонна сатабыллаах хамаандалааһынынан байыастар сөптөөх позицияны туппуттара.
Хорсун байыас Петр Киприянов сырдык тыына быстыыта — биһиэхэ улахан сүтүк. Саха сирэ уонна Арассыыйа кини эр санаатын уонна хорсун быһыытын хаһан да умнуохтара суоҕа», — диэн Айсен Николаев суруйар.
Хаартыска: Айсен Николаев Телеграм-ханаалыттан.
-
1
-
0
-
0
-
0
-
0
-
1
