Олох ыарахан балаһыанньатыгар түбэспит дьоҥҥо биирдиилээн көмө оҥоһуллуохтаах, ону ситиһэргэ социальнай арыаллааһын киириэхтээх, чуолаан тыа сиригэр уонна Аартыка улуустарыгар. Ил Дархан ыйааҕынан 2029 с. дьадайыы таһыма 2022 с. кытта тэҥнээтэххэ, икки төгүл аччыахтаах.
Бу сытыы кыһалҕаны быһаарарга Ил Түмэҥҥэ төгүрүк остуоллар, Бырабыыталыстыба чааһа ыытыллыбыта. Дойду Бэрэсидьиэнин Владимир Путин ыам ыйынааҕы ыйааҕар киирбэтэх бүддьүөт “атыттар” («прочие») дэнэр үлэһиттэрэ күн бүгүн 50 000 – 55 000 солк. хамнастаахтар, биллэн турар, дьиэҕэ-уокка, туттар тэрилгэ сыана эмискэ ыараабыт кэмигэр маннык хамнаска олорор күчүмэҕэй. Ол иһин дьадайыыны тохтоторго, бастатан туран, хамнас үрдээтэҕинэ биирдэ нэһилиэнньэ олоҕун таһыма тупсар кыахтаах.
Хаартыска: Мария Васильева, СИА
-
0
-
0
-
0
-
0
-
0
-
0
