Маннык ылыныллыбыт миэрэ түмүгэр итирик туруктаах сылдьан дьон буруйу оҥоруута аччаата, арыгыны иһэн баран буруйу оҥорууга Арассыыйа үрдүнэн ыытыллыбыт рейтиҥҥэ Саха Сирэ 2020 с. үһүс миэстэттэн 2024 с. ахсыс миэстэҕэ диэри түстэ.
Рецидивнай буруйу оҥоруу 7,6%, итирик дьон буруйу оҥоруута 11,3%, обургу оҕолор (подростоктар) буруйу оҥоруулара 2,6% кыччаабыт.
Саха Өрөспүүбүлүкэтин Ис дьыалаҕа миниистирэ Владимир Прокопенко иһитиннэрбитинэн полиция үлэһиттэрэ 6500 кэриҥэ буруйу оҥорууну арыйдылар, онон буруйу арыйыыга Саха Сирэ Арассыыйа үрдүнэн бастакы уонча үчүгэй көрдөрүүлээх эрэгийиэннэр ахсааннарыгар киирдэ. Итиниэхэ холуобунай ирдэбил үлэһиттэрэ дьоһун кылааттарын киллэрдилэр.
Буруйу оҥорууну арыйарга аныгы экспертнэй-криминалистическай ньымалары тутталлар, ол түмүгэр 1240 буруйуу оҥоруу арылынна. Полиция үлэһиттэрэ айти-технология көмөтүнэн оҥоһуллубут буруйу арыйар буоллулар, дистанционнай масыанньыктары тутуу 7% үрдээтэ.
Хаартыска Мария Васильева, СИА.
-
1
-
0
-
0
-
0
-
0
-
0
