Александр Иванов эр дьон билигин Анал байыаннай дьайыыга сылдьарынан сибээстээн, буруйу оҥоруу аҕыйаабытын сэрэйдэ, оттон кинилэр төннөн кэллэхтэринэ, буруйу оҥоруу төттөрү эбиллиэн сөбүн туһунан эттэ.
Владимир Прокопенко Анал байыаннай дьайыыга буруйу оҥорон көҥүллэрин күөмчүлэппит дьон эмиэ барбыттарын ахтан туран, кинилэр төнүннэхтэринэ буруйу оҥоруу элбиэн сөбүн бэлиэтээтэ. Онон бу хайысханан тустаах үлэ ыытыллыан наада. Александр Подголов Анал байыаннай дьайыыттан кэлбит дьону полицияҕа үлэҕэ ыларга этии киллэрдэ.
Владимир Прокопьев полицияҕа үлэһиттэр тиийбэттэрин сүрүн биричиинэтэ хамнас кыратын бэлиэтээтэ. Дьокутаат каадырдары бэлэмнииргэ былаас бары уорганнара кыттыһыахтаахтарын, олохтоох дьону полицияҕа ылар наадалааҕын этэн туран, урукку өттүгэр ИДьМ салаатыгар үлэһит толорутун, үлэҕэ киирэргэ куонкурус баарын аҕынна. Олохтоох дьон соҕуруу баран хаалбаттарын, биэнсийэҕэ тахсыахтарыгар диэри үлэлииллэрин иһитиннэрдэ. Кини министиэристибэ салалтатын солбуйааччыларыгар, полиция салааларыгар олохтоох салайар үлэһиттэр баар буолуохтаахтарын туһунан санаатын эттэ.
Николай Кульбертинов полицияҕа үлэһит тиийбэтин толорорго оскуолаҕа полицейскай хайысхалаах кылаастары тэрийэн, үүнэр көлүөнэни бэрээдэги араҥаччылыырга бэлэмнииргэ урут полицияҕа үлэлээбит бэйэтин уопутун кэпсээтэ, ону таһынан, идэтийбит каадырдары хаалларарга үлэ ыытыллыахтааҕын туһунан санаатын үллэһиннэ.
СӨ ИДьМ пресс-слууспатын хаартыската.
-
0
-
0
-
0
-
0
-
0
-
0
