Полуфиналга киирдилэр:
- Данил Обуткин, Алдан;
- Алексей Слепцов, Мэҥэ Хаҥалас;
- Василика Васильева, Дьокуускай;
- Александр Карманов, Амма;
- Алена Слепцова, Хаҥалас;
- Максим Кузьмин, Өлүөхүмэ;
- Ева Попова, Чурапчы;
- Снежана Черноградская, Ньурба;
- Елена Жиганюк, Уус Алдан;
- Тимур Тихонов, Сунтаар;
- Марианна Хобусарова, Үөһээ Бүлүү;
- Аким Федоров, Бүлүү;
- Александр Софронеев, Жатай;
- Мария Кузьмина, Таатта;
- Кэскил Софронеев, Нерюнгри.
Куонкуруһу сүрүн тэрийээччи уонна Судаарыстыбаннай эстрада тыйаатырын художественнай салайааччыта Мария Герасимова бэлиэтииринэн, бары кыттааччылар үрдүк таһымнаахтар, онон 15 полуфиналга киирээччини таларга уустуктардаах буолбут.
Полуфиналга кыттааччылар 6 күн устата вокал уруогун ылыахтара, маастар-кылаастарга үөрэниэхтэрэ
Санатар буоллахха, ырыа куонкуруһугар 18-тан 35 сааһыгар диэри саастаах ыччаттар кытталлар. Академическай вокал, эстрада вокала, этно-вокал диэн хайысханан икки ырыаны толороллор (биирэ Аҕа дойдуну көмүскээччилэргэ ананар, иккиһэ – талан ылыы).
“МУУС УСТАР” ыччат бэстибээлэ өрөспүүбүлүкэҕэ бары хайысхаларынан көрөн талааннаах ыччаты булууга, өйөөһүҥҥэ уонна таһаарыыга туһуланар, СӨ Бырабыыталыстыбатын тэрийиитинэн уонна генеральнай өйөбүл тэрилтэ “Эльга” хампаанньа көмөтүнэн 2021 сыллаахтан, бэһис төгүлүн ыытыллар.
Хаартыска: СӨ Ил Дарханын уонна Бырабыыталыстыбатын пресс-сулууспата
-
1
-
0
-
0
-
0
-
0
-
0
