Анал байыаннай дьайыы кыттыылаахтара уонна кинилэр дьиэ кэргэттэрэ социальнай реабилитацияны Дьокуускай, Нерюнгри, Өлүөхүмэ уонна Ньурба улуустарыгар баар өрөспүүбүлүкэтээҕи кииннэригэр ааһыахтарын сөп диэн СӨ Бырабыыталыстыбатын Бэрэссэдээтэлин солбуйааччыта Георгий Степанов кулун тутар 24 күнүгэр буолбут брифиҥҥэ иһитиннэрдэ.
Ону тэҥэ, Амма, Өлөөн, Орто Халыма улуустарыгар социальнай көмүскэл биир кэлим кииннэрин баазатыгар үлэ ыытыллар. Кинилэргэ анаан чөлүгэр түһэрии бырагыраамалара оҥоһуллан олоххо киллэриллэллэр диэн бэлиэтээтэ.
Бүгүҥҥү күҥҥэ 117 ыалга олорор дьиэлэрин гаастааһыҥҥа матырыйаалынай көмө оҥоһулунна. 610 байыаннай сулууспалаахтар төрөппүттэрэ санаторнай- курортнай эмтэниигэ көмө ылбыттара. 451 кырасданьыын байыаннай сулууспалаахтар эмтэнэр сирдэригэр бара-кэлэр ороскуоттарын толуйууга матырыйаалынай көмөнү ылбыттара. Анал байыаннай дьайыы 1122 кыттыылааҕа уонна 1949 кинилэр дьиэ кэргэттэрэ социальнай өҥөнү оҥорор кииннэргэ уонна доруобуйа харыстабылын тэрилтэлэригэр реабилитацияны бардылар.
Ол курдук, нэһилиэнньэ дьарыктаах буолуутун кииннэригэр үлэнэн хааччыйыыга 738 киһи сайыбылынньа суруйбут: 259 Анал байыаннай дьайыы кыттыылааҕа уонна кинилэр дьиэ кэргэттэрин 479 чилиэнэ. Кинилэртэн 156 киһи профессиональнай үөрэхтээһиҥҥэ ыыппыттар, ол иһигэр 421 киһиэхэ үлэ булан бэриллибит.
Итини таһынан бу этиллибит өйөбүллэр СӨ Ил Дархана Айсен Николаев Ыйааҕынан оҥоһуллалларын санаталлар. Эбии дойду Бэрэсидьиэнэ Владимир Путин судаарыстыбыннай былаас бары таһымыгар маннык үрдүк суолталаах сорук турарын хаста да ыйбыта бэлиэтэнэр.
«Дойдубут сулууспалаачылары өйүүр сыаллааҕын уонна кинилэр сүдү суолталаах миссияны толоро сылдьалларын өйдүөхтээх», — диэн судаарыстыба баһылыгын этиитэ суруллар.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
