Тэрээһин түһүлгэтигэр өрөспүүбүлүкэттэн уонна дойду атын эрэгийиэннэриттэн сүүһүнэн киһи түмүстэ.
Үөрүүлээх тэрээһин былааҕы күөрэччи көтөҕүүттэн саҕаланна. Манна Өймөкөөн улууһун баһылыга Александр Оконешников, Саха Өрөспүүбүлүкэтин урбааҥҥа, эргиэҥҥэ уонна туризмҥа миниистирин солбуйааччы Мария Карпова, Саха Сиригэр туризмы сайыннарыы Ааҕыныстыбатын генеральнай дириэктэрэ Спиридон Сивцев кыттыыны ыллылар.
Долгутуулаах уонна биир ураты түгэнинэн тымныы бэлиэтин туттарыы буолла. Быйыл Арассыыйа Тымныы Оҕонньорун көрдөһүүтүнэн, Кыһын Хотун Үрүҥ Үллүктэй Чысхааҥҥа тымныы бэлиэтин аныгыскы кыһыҥҥа диэри уурарыгар көрдөһөн туттарда. Түһүлгэҕэ мустубут дьон-сэргэ оһуохайы оройуттан туттулар.
Тэрийээччилэр иһитиннэрбиттэринэн, олус сэргэх, үчүгэй тэрээһин буолла. Ыалдьыттары салгыы Чысхаан оонньуулара, «Хоту дойду хаһаайката» кэрэ уонна талааннаах буолуу куонкуруһа, араас күрэхтэһиилэр күүтэллэр.
Саха Өрөспүүбүлүкэтин Ил Дарханын
уонна Бырабыыталыстыбатын пресс-сулууспата
Хаартыска: sakha.gov.ru
-
1
-
0
-
0
-
0
-
0
-
0
