«Хотугу эрэгийиэннэри сайыннарарга саҥа үлэһиттэри ыҥырыынан эрэ муҥурдаммакка, күн бүгүн үлэлии сылдьар дьоммут соҕуруу баран хаалбакка, салгыы үлэлии хаалалларын ситиһиэхтээхпит. 40-45-тэрин ааспыт дьон эмиэ үлэлиир кыахтаахтар, олохторун үгэнигэр сылдьаллар, онон кинилэргэ эмиэ чэпчэтиилээх ипэтиэкэ көрүллүөхтээх», — диэн санаатын үллэһиннэ.
Билиҥҥи туругунан, Аартыкаҕа муора суудуналарын оҥорууга эрэ буолбакка, олох араас араҥатыгар үлэһиттэр тиийбэттэр. Эдэр дьон үчүгэй олоххо талаһан, улахан куораттарга, соҕуруу көһөн бараллар. Маны тохтоторго дьиэ-уот сыаната аһары үрдүүрүн хааччахтыырга, дьон үлэтин кэнниттэн сынньанарыгар сөптөөх усулуобуйаны тэрийэргэ үлэ ыытыллыахтаах.
Аартыка ипэтиэкэтин усулуобуйатын тупсаран, дьиэ атыылаһарга сааһынан хааччаҕы уһуллахтарына, баҕар, чахчы, Сэбиэскэй кэминээҕи хомсомуоллар курдук хоту үлэлии барыан баҕалаах эдэр уонна орто саастаах дьон элбиэҕэ.
Хаартыска СИА.
Манна даҕатан эттэххэ, үлэҕэ сатабыллаах, талааннаах-кыахтаах дьон Дьокуускайтан улахан куораттарга, омук сиригэр үлэлии, олохсуйа бараллара элбээтэ. Кинилэр төрөөбүт дойдуларын сайыннарыах оннугар Саха Сириттэн соҕуруу дойдуга көһөн бараллар. Уһук Илиҥҥи ипэтиэкэҕэ 35 диэри сааһынан хааччаҕы уһуллахха, баҕар, дойдуларыгар хаалыа этилэр.
-
3
-
0
-
0
-
0
-
0
-
0
