Ааспыт нэдиэлэҕэ ыытыллыбыт пуорумҥа дойду араас муннугуттан мустубут лиидэр дьахталларга «Нарын күүс» диэн бириэмийэни туттардылар. «Якутскэнерго» хампаанньаттан өрөспүүбүлүкэ энергетиктэрин идэлээх сойуустарын саамай көхтөөх бэрэстэбиитэллэрэ Анна Попова, Сайдыына Николаева уонна Виктория Контоева Арассыыйа былааҕын үс өҥүн курдук дьүһүннээх маҥан, күөх, кыһыл халадаай кэтэн туран «Матушка-земля» ырыаны сахалыы толорбуттара сонуннук көһүннэ.
«Нарын күүс» диэн дьахталларга бириэмийэни олохтообут дьоҥҥо махтанан туран ырыабытын кинилэргэ анаатыбыт. Ийэ сирбит таптал, сылаас сыһыан эмтиир күүһүгэр наадыйар, ону дьахтар биэрэр айылгылаах. Кэрэ аҥаардарга барыларыгар олохтон дуоһуйуу күн аайы арыаллыы сылдьарыгар баҕарабыт, оччоҕуна дьахтар дьоллоох буолар, сырдыгынан сыдьаайан, ол дьолун чугас дьонун кытта үллэстэр», — диэн этэллэр Анна, Виктория, Сайдыына.
Мантан салгыы «Матушка-земля» ырыа сахалыы тылбааһын таһаарабыт.
Киэҥ хонуу киэргэлэ курдук сибэкки күн утаҕа
Күөх халлааҥҥа ыллыыр чыычаах, хатыҥчаанам барахсан
Хоп-хойуу тыабыт суугууна, мин кулгаахпын сымнатар
Хатыҥ маhы кууhан туран, эйиигин мин саныыбын.
Ийэ сир кэрэ, нап-нарын хатын маһым
Мин ытык Россия дойдум ким хараҕын ааларый
Ийэ сир кэрэ, нап-нарын хатын маһым
Мин ытык Россия дойдум, ким хараҕын ааларый
Кэҕэ кыыл үйэм уһунун тааайыан дуо, эн эт миэхэ
Мин кими таптыырбын билиэн, сэрэйиэн этэ дуо эн
Ып - ыраас дьэнкир уу- салгын, минньигэс мүөт амтана
Сулустаах туун эн биьикки дьол туругар умсабыт
Ийэ сир кэрэ, нап-нарын хатын маһым
Мин ытык Россия дойдум ким хараҕын ааларый
Ийэ сир кэрэ, нап-нарын хатын маһым
Мин ытык Россия дойдум, ким хараҕын ааларый
-
8
-
4
-
0
-
2
-
0
-
3
