Саха Сиригэр Өлүөнэ муостатын тутуу быйылгы түһүмэҕин туһунан билиһиннэрэр соруктаах ТАСС пресс-кэмпириэнсийэ ыытыллар.
Дойду саҥа тырааныспарын «тымырын» тутуута Арассыыйа Федерациятын Бэрэсидьиэнэ Владимир Путин сорудаҕынан олоххо киллэрэллэр, диэн Саха Өрөспүүбүлүкэтин Бырабыыталыстыбатын бэрэссэдээтэлэ Кирилл Бычков бэлиэтээтэ.
Бу бырайыакка Бэрэсидьиэн өйөбүлэ олус улахан суолталаах. Бэрэсидьиэн бу бырайыагы Уһук Илин эрэгийиэн сайдарыгар биир саамай тирээн турар суолталаах бырайыак быһыытынан сыаналаабыта билигин олоххо киирэр уонна саамай судургута суох инфраструктурнай эбийиэгинэн буолар», — диэтэ Кирилл Бычков.
СӨ Бырабыыталыстыбатын Бэрэссэдээтэлэ иһитиннэрбитинэн, муостаны тутуу 2028 сылга түмүктэниэхтээх.
«Бырайыак ураты уонна ханнык да тутууга тэҥнэммэт, ол аата ханнык баҕарар түгэҥҥэ күүтүллүбэтэх өттүттэн тиэхиньиичэскэй харгыстар үөскүөхтэрин сөп. Итини учуоттаан, биһиги 2028 сылга бу көрдөрүүнү ситиһэрбит быһыытынан сыаналыыбыт».
Өлүөнэ муостата тутуллан үлэҕэ киирдэҕинэ, айан-сырыы төлөбүрэ кыра массыыналарга босхо, оттон таһаҕас тиэйэр тырааныспардарга төлөбүрдээх буолуоҕа. «Тирэх ноҕурууската, мин өйдүүрбүнэн, А14-тии буоллаҕына, 14 туоннаҕа тэҥнэһэр», — диэн кини бэлиэтээтэ. Онуоха премьер этэринэн, муоста конструкцията иккилии ноҕуруусканы аһардар кыахтааҕын эттэ.
Санатан эттэххэ, Өлүөнэ муостата икки балаһалаах, сууккаҕа 5 тыһыынча массыынаны аһарар кыахтаах буолуоҕа. Хас биирдии балаһата 5,5 миэтэрэ кэтиттээх.
«Бу ханнык эмэ түгэҥҥэ утары балаһанан эбэтэр реверсивнай айан-сырыыны тэрийэр кыаҕы биэриэҕэ. Сорох түгэннэргэ ДПС үлэһиттэрэ көмөлөрүнэн тахсыбыт быһылааны түргэнник туоратар сабаҕаланар».
Хаартыска: Саха Сирэ
-
1
-
0
-
0
-
0
-
0
-
0
