«Нэһилиэнньэ олоҕун хаачыстыбатын тупсарарга, быстах кэмҥэ сабыллан турар Буоста салааларын сөргүтэргэ, үлэһиттэри буларга 2025-2029 сс. тырааныспар нолуогар, тэрилтэ бас билиитигэр тутуллар нолуокка чэпчэтиини федеральнай буоста сибээһин тэрилтэлэригэр киллэрэргэ. Оччотугар өрөспүүбүлүкэ бүддьүөтүн сүтэрэр дохуота 86,1 мөл. солк.", - диэн эппитэ кини.
СӨ Бырабыыталыстыбатын Бэрэссэдээтэлин солбуйааччы Анатолий Семенов иһитиннэрбитинэн, хоту улуустарга 40-ча буоста салаалара араас биричиинэнэн сабыллан тураллар. Оттон өрөспүүбүлүкэҕэ буоста 300 тахса салаалардаах, кинилэр 600 мөл. солк. ночоокко киирбиттэр. Ыраах улуустарга буостаны сүрүннээн «Полярные авиалинии» хампаанньа, онтон кытыы нэһилиэктэргэ «КАМАЗ»-тар, вездеходтар тириэрдэллэр. Өскөтүн нолуокка биир сылга 16 мөл. солк. суумалаах чэпчэтии кэлэр биэс сылга оҥоһулуннаҕына, 15 буоста дьиэтэ өрөмүөннэнэн, 20-чэ сабыллан турар буосталар аһыллыахтаахтар, ону таһынан, үлэһиттэр хамнастара үрдүөхтээх. Буоста дьиэлэрин өрөмүөннүүргэ сыл ахсын федеральнай үбү тутталларын туһунан эттэ Анатолий Аскалонович.
Хаартыска Василий Кононов.
-
0
-
0
-
0
-
0
-
0
-
0
