Ил Түмэҥҥэ нолуокка киирэр уларытыылары ырытыһыы кэмигэр норуот дьокутаата Анатолий Николаев элбэх оҕолоох ыаллар Анал байыаннай дьайыыга сылдьар аҕаларын сүтэрбит түгэннэригэр кинилэргэ нолуоктарын төлүүллэригэр чэпчэтии көрүллэрин-суоҕун туоһуласта.
Миниистир Петр Попов элбэх оҕолоох ыалларга тырааныспар нолуогар чэпчэтии баарын санатта уонна сокуон барыла Анал байыаннай дьайыыга сибилигин сылдьар буойуннарга сыһыаннааҕын эттэ. Өскөтүн сайаапка киирдэҕинэ, бу боппуруоһу кэлэр хамыыһыйаҕа көрүөххэ сөбүн туһунан быһааран биэрдэ. Оттон икки оҕолоохтор элбэх оҕолоох ыал ахсааныгар киирбэттэринэн сибээстээн, аҕалара кыргыһыы хонуутугар олоҕун толук уурбут түгэнигэр, дьиэ кэргэнигэр бу чэпчэтиини оҥорор туһунан эмиэ көрүөххэ сөбө этилиннэ.
Хаартыска СИА
-
0
-
0
-
0
-
0
-
0
-
0
