Саха Өрөспүүбүлүкэтин Ил Дархана быһа биэриитин кэмигэр нэһилиэнньэ долгутар боппуруостарын көрдө. Бу туһунан Ил Түмэн Бэрэссэдээтэлин солбуйааччы, Байыаннай сулууспалаахтар, бойобуой дьайыылар бэтэрээннэрин дьыалаларыгар, патриотическай иитиигэ уонна уопсастыбаннай тэрилтэлэргэ сис кэмитиэт бэрэссэдээтэлэ Александр Подголов эттэ.
«Ил Дархан быһа биэриигэ оҕо күн сирин көрүөҕүттэн саҕалаан 80 саастаах дьон кыһалҕаларыгар тиийэ бары боппуруостары таарыйда. Быһа биэриигэ тыа сиригэр салайааччылар куттаммакка эрэ эппиэтинэһи ылан баран боппуруостары быһаарарга ылсыахтаахтар диэн этэн турардаах. Мин манна кинини кытта сөбүлэһэбин. Айсен Сергеевич өрөспүүбүлүкэҕэ балаһыанньаны үчүгэйдик билэрин өссө биирдэ көрдөрдө», — диэтэ дьокутаат Александр Григорьевич.
Хаартыска: СИА
-
0
-
0
-
0
-
0
-
0
-
0
