«Авиалесоохрана» СБТ салайааччыта Владимир Леонов иһитиннэрэринэн, баһаардар көҥүлэ суох ходуһаҕа өртөөһүнтэн тахсыбыттар. Маннык элбэх кэһии Дьааҥы улууһугар буолбут, онон муус устар 30 күнүнүттэн бу улууска анал баһаары утары эрэһиимэ биллэриллибитэ.
Бу күннэргэ 10 ойуур баһаарын умуруорбуттар.
Билигин 18 баһаар турбута бэлиэтэнэр:
Үөһээ Дьааҥы улууһугар 17 ойуур баһаара. Нэһилиэнньэлээх пууннартан 10 км тэйиччи 3 баһаар: Сайдыы сэлиэнньэттэн 4 км ыраах, Чолбон сэлиэнньэттэн 5 км ыраах, Таала сэлиэнньэттэн 7 км ыраах. Атыттар нэһилиэнньэлээх пууннартан балайда ыраах сыталлар.
Эбээн Бытантайга 1 ойуур баһаара, улуус кииниттэн Баатаҕай Алыытыттан 15 км. тэйиччи турбут.
Умуруоруу үлэтигэр бүгүҥҥү күҥҥэ «Авиалесоохрана» парашютнай-десантнай баһаарынай сулууспатын 45 үлэһитэ кыттар. Кинилэргэ «Якутлесресурс» 20 үлэһитэ көмө буолуоҕа.
Сорох улуустарга өрт уотун ыытааччылары чопчу быһааран, тутан, ыстараап уонна дьыала тэриллиитэ саҕаламмытын бэлиэтиэххэ сөп.
Хаартыска Вести Саха
-
0
-
0
-
0
-
0
-
0
-
0
