Өрөспүүбүлүкэҕэ бырагыраама үһүс түһүмэҕэр киирэр дьон испииһэктэммитэ, кинилэри саҥа дьиэнэн хааччыйарга федеральнай уонна олохтоох бүддьүөт кыттыгас үбүлээһини оҥоруохтаахтар. Үп 60% федеральнай хааһына, хаалбыт 40% Саха Сирэ уйунуохтаах. Ону билиҥҥитэ өрөспүүбүлүкэ толорор кыаҕа суох, бырагыраама иккис түһүмэҕэ даҕаны ситэри үбүлэнэ илик.
Алексей Еремеев Нам улууһун Бөтүҥ нэһилиэгэр бу бырагырааманан биир даҕаны элбэх кыбартыыралаах дьиэ тутуллубатаҕын иһитиннэрдэ. Олохтоохтор бэйэлэрэ оннук быһаарбыттар. Тыа сиригэр олорор дьон учаастак ылан уһаайбаланан, отуттан тахса ыал кэтэх дьиэ туттан олороллор. Саха дьоно урут уруккуттан бэйэтэ тиэргэннээх-тэлгэһэлээх, бас билэр сирдээх этэ. Онон тыа сиригэр элбэх кыбартыыралаах этээстээх дьиэлэри тутар оннугар, тиэргэннээх чааһынай дьиэ ордуга этилиннэ.
Хаартыска СИА.
-
0
-
0
-
0
-
1
-
1
-
0
