Кини Ил Дархан Айсен Николаевтыын көрсөн өрөспүүбүлүкэҕэ национальнай бырайыактар чэрчилэринэн үөрэх инфраструктуратын тупсарыы, эбии үөрэхтээһин уонна патриоттуу иитии хайысхаларынан боппуруостары көрдө, кэпсэттэ.
РФ Үөрэх министиэристибэтин өйөбүлүнэн, уонунан уһуйаан, оскуола туттубут, 100 тахса оскуола дьиэтин өрөмүөннээтибит. Ол түмүгэр, Сахабыт Сирин нэһилиэктэригэр олох тупсар, сэргэхсийэр, – диэн Ил Дархан дойду үөрэхтээһиҥҥэ миниистиригэр махтанна.
Сергей Кравцов Айсен Николаев П.И. Дудкин аатынан Дьокуускайдааҕы сибээс уонна информационнай технология кэллиэһэ эһиил «Профессионалитет» федеральнай бырайыак иитинэн кластеры тэрийэр туһунан этиитин өйөөтө. Кини Саха Сиригэр үөрэх саҥа эбийиэктэрин тутууну, ол иһигэр Дьокуускайдааҕы оскуола-интэринээт уонна Саха политехническэй лиссиэйи сэҥээрдэ. Ону тэҥэ, хааччыйыы уонна тутуу таһымын үрдүктүк сыаналаата.
Федеральнай миниистир Саха Сирин үлэҕэ үөрэтии уонна дойдуга тапталы иҥэрии өттүгэр улахан уопутун дойдуга киэҥник тарҕатыахха сөп диэн бэлиэтээтэ. Маны таһынан, салайааччылар Дьокуускайга Национальнай тыллар кииннэрин салгыы сайыннарарга сүбэлэстилэр.
Хаартыска: Андрей Сорокин, СИА
-
1
-
0
-
0
-
0
-
0
-
0
