Ил Дархан Айсен Николаев Дьокуускайга «Боотур» этэрээт хамандыыра Иван Левины кытары көрсүһэн, сиһилии сэһэргэстэ.
Быйыл «Боотур» этэрээт 3 сылын туолла. Этэрээт байыастара эр санаалаахтык, хорсуннук бары бойобуой сорудахтары толороллор, төрөөбүт дойдубутун чиэстээхтик көмүскүүллэр.
Айсен Сергеевич Иван Ивановичы килбиэннээх сулууспатын иһин махтанна. Санатан бэлиэтээтэххэ, Иван Левин Кэбээйи улууһун баһылыгынан таһаарыылаахтык үлэлии сылдьан Анал байыаннай дьайыыга ыҥырыллан барбыта.
Иван Иванович этэрээт билигин туох-хайдах балаһыанньаҕа байыаннай сорудаҕы толорорун кэпсээтэ. Бүгүҥҥү күҥҥэ «Боотур» этэрээккэ 400 кэриҥэ киһи сулууспалыыр.
Көрсүһүү кэмигэр кэпсэтиигэ этэрээт хааччыллыытыгар болҕомтолорун уурдулар. Ону тэҥэ Иван Иванович салайар Кэбээйи улууһун социальнай, экономическай сайдыытын кэпсэттилэр.
Хаартыска Сахагов
-
0
-
0
-
0
-
0
-
0
-
0
