Сүбэ мунньахха Федерация Сэбиэтин сенатордара, Арассыыйа ИДьМ миграция боппуруостарыгар кылаабынай управлениетын начаалынньыга Валентина Казакова, РФ Киһи быраабыгар боломуочунайын аппараатын норуоттар икки ардыларынааҕы управлениета уо.д.а. кытыннылар.
Арассыыйа Федерациятын сенатора Сахамин Афанасьев “төгүрүк остуолга” миграция боппуруоһун көрүү туһунан кылгастык маннык эттэ:
— Дойду Бэрэсидьиэнэ Владимир Путин быйыл саас Арассыыйа ИДьМ киэҥ ыҥырыылаах мунньаҕар сокуону кэһэн киирэр миграция ханаалларын тохтоторго, миграция аныгы хонтуруолун туһанарга эппитэ. Сүрүн хайысхалартан биирдэстэринэн миграннары авторизациялааһын электроннай ньымаларыгар көһүү буолуохтааҕа ыйыллыбыта. Арассыыйа Бэрэсидьиэнэ ону тэҥэ тас дойдуга олорор биир дойдулаахтарбыт көһүүлэригэр баар миэрэлэрин кэҥэтии туһунан эппитэ. Бу дойдуларыгар олоруохтарын, үлэлиэхтэрин баҕалаахтарга сыһыаннаах. Биллэрин курдук, быйыл 2025 сылга 2019-2025 сыларга РФ миграционнай судаарыстыбаннай бэлиитикэтин кэнсиэпсийэтин дьайыыта тохтуохтаах. Онон бары ыйыллыбыт көҕүлээһиннэр саҥа кэнсиэпсийэҕэ киириэхтэрэ.
Маны тэҥэ нуормалыыр быраап аакталарын федеральнай порталыгар РФ Бэрэсидьиэнин “О Стратегии государственной национальной политики Российской Федерации на период до 2036 года” Ыйааҕын бырайыага таҕыста.
В.Л. Казакова төгүрүк остуолга бэлиэтээбитинэн, атын биэдэмистибэлэрдиин тустаах сулууспа тас дойдулартан кэлбит үлэһит күүһү нобуордааһын ньыматын туһаныахтара.
2025 сыл муус устарга Арассыыйаҕа тас дойдулартан кэлбит дьону эрэгэстэрээссийэлээһин уонна кырасдааныстыба боппуруостарыгар сулууспата тэриллибитэ. Бу омук кыраасданнарыгар сим-каартаны билигин биометриянан эрэ биэриэхтэрэ. Ону тэҥэ биир киһи 10 сим-каартаны эрэ эрэгэстэрээссийэлиир кыахтааҕа быһаарылынна. Маны тэҥэ бу сыл тохсунньу 1 күнүттэн Арассыыйа Федерациятыгар визаны ылара ирдэммэт көрүҥүнэн кэлбит тас дойду кырасданьыына быстах кэмҥэ сылдьыытын болдьоҕо аччаата. Миграннар оҕолорун нуучча тылын билиилэрин тургутуута суох оскуолаҕа ылыахтара суоҕа.
Дойду парламентарийдар миграннары кытта үлэ дуогабарын биир сылга эрэ түһэрсэргэ этии киллэрэллэр.
Лана Александрова.
Федерация Сэбиэтин пресс-сулууспатын хаартыската
-
1
-
0
-
0
-
0
-
0
-
0
