Ил Түмэн дьокутаата, ыччат дьыалатыгар, физическэй култуураҕа уонна успуорка сис кэмитиэт бэрэссэдээтэлэ Георгий Балакшин бу бэлиэ тэрээһиҥҥэ сылдьан, санаатын маннык үллэһиннэ.
--Мандар Уус аҥаардас Таатта улууһа эрэ буолбакка, Саха Сирин барыта киэн туттар, бэлиэ киһибит буолар. Быыстапкаҕа сылдьан, онно өссө төгүл итэҕэйдим, көрөн үөрдүм.
XXII -с “Манчаары оонньуулара” Тааттаҕа ыытылла турара бэйэтэ туспа ситиһии, улахан үлэни кэрэһэлиир диэн сыаналыыбын. Бастатан туран, Таатта улууһун дьонун-сэргэтин ситиһиитэ диэн бэлиэтиэхпин баҕарабын. Аҥаардас успуорт эбийиэктэрэ эрэ буолбакка, инфраструктура өртүнэн улахан хардыы оҥоһулунна, хамсааһын таҕыста.
Оонньуулартан үгүс кыайыылары, ситиһиилэри кэтэһэбит, эрэнэбит. Бүгүн киэһэ үөрүүлээх аһыллыыта буолаары турар, үгүс дьон, ыалдьыт тоҕуоруста. Күрэхтэргэ барыта 1,5 тыһ. кыттааччы 4 бөлөҕүнэн кыайыылаахтары быһаарсыахтара.
Дьокутаат буоларбынан уонна сис кэмитиэт чилиэннэрэ бары оонньуулары бэлэмнээһиҥҥэ, ыытыыга, ону кытта эбийиэктэри тутууга анаммыт тэрээһиннэргэ кытынныбыт. Ордук өрөспүүбүлүкэ бүддьүөтүн ылыныыга үбүлээһин боппуруостарыгар үлэлэһэн кэллибит, -диэн норуот дьокутаата Таатта түһүлгэтин, күрэхтэрин болҕойон көрөргө бэлэмин, успуорт саҥа ситииһиилэрэ, ааттара тахсалларыгар улахан эрэллээҕин биллэрдэ.
Антонина НЕУСТРОЕВА, Ытык Күөл
Ааптар хаартыскаҕа түһэриитэ.
-
3
-
0
-
0
-
0
-
0
-
0
