Кини Үөһээ Бүлүү улууһун кытыы сытар Маҥаас нэһилиэгиттэн төрүттээх. Анал байыаннай дьайыыга Алексей чаҕылхай хорсун быһыыны көрдөрбүтэ. Кини өстөөх позицияларыгар саба түһэн, хас да пулеметнай туочуканы, уонунан боевигы уонна тиэхиньикэни тус бэйэтэ суох оҥорбута. Кырыктаах кыргыһыыларга ыараханнык бааһыран, икки атаҕын сүтэрбитэ, ол да буоллар хас да күнү быһа, сыыла сылдьан өстөөҕү кытары киирсэрин тохтоппотоҕо
Ефрейтор Петров хорсун быһыыта, эр санаата, тулуура Арассыыйа устуоруйатыгар, Ийэ дойдуга бэриниилээх буолуу холобурун быһыытынан сурулунна. Биһиги Дьоруойбутунан киэн туттабыт!
Алексей госпиталга өр кэмнээх эмтэнии кэнниттэн, билигин төрөөбүт дойдутугар кэллэ.
Бу күннэргэ Дьоруойу өрөспүүбүлүкэ Ил Дархана Айсен Николаев төлөпүөнүнэн эрийэн Саха Сирин олохтоохторун итии-истиҥ эҕэрдэлэрин тириэртэ, махтанна уонна үтүөрэригэр, чөлүгэр түһэригэр баҕарда.
Хаартыска А.Р.Петров тус архыыбыттан
-
3
-
0
-
0
-
0
-
0
-
0
