Ахсааннарынан көрдөххө, уолаттар 51% арыый ордук, кыргыттар 49%, 7,3 тыһ. игирэ оҕолор төрөөбүттэр. Төрөппүттэр саастарын тэҥнээн көрөр буоллахха, ортотунан: ийэлэр 29,8 , аҕалар 29,2 саастаахтар. Бастакы оҕотун төрөөбүт ийэ ахсаана 39%, иккис оҕотун 32 %, үһүс оҕотун 18%, төрдүс, онтон кэлэр оҕотун 11 % ийэ төрөөбүт. 2025 сылга ордук таптаан биэрэр аатарынан София (10 593 кыыс) уонна Михаил (12 179 уол) буолбуттар.
2024 сыл түмүгүнэн көрөр буоллахха, оҕо төрөөһүнүн уопсай аччааһына 0,08 % тэҥнэспит. Ол да буоллар, дойду 20 эрэгийиэнигэр үрдээһин бэлиэтэммит. Холобура, Москуба уонна Ленинград уобаластарыгар, ону тэҥэ Ингушетияҕа, Хотугу Кавказ, Хотугулуу-Арҕаа, Киин уонна Урааллааҕы федеральнай уокуруктарга.
Бу иннинэ саас ВЦИОМ Пуондатын генеральнай дириэктэрэ Виктор Фисенко билиһиннэрбитинэн, Арассыыйаҕа төрөөһүн 2000 сыллааҕы таһымыгар чугаһаабыт. Ол сыл билиҥҥи Арассыыйа устуоруйатыгар оҕо төрөөһүнүн биир муҥутаан намтаабыт сылынан биллэр. Төрөөһүн аччааһынын биричиинэтинэн оҕо төрүүр саастаах дьахтар аҕыйааһына уонна төрөөһүн тэтимин бытаарыыта диэн ааттыыллар. Ону тэҥэ, билиҥҥи төрүүр саастаахтар бэйэ олоҕун өрө туталлара, нус-хас комфортнай олоҕу тутуһаллара намтааһын биир сүрүн биричиинэнэн буолар диэн чинчийээччилэр бэлиэтииллэр.
Викор Фирсенко сабаҕалыырынан оҕо төрөөһүнүн ахсаанын үрдээһинэ 2027 сыл кэнниттэн күүтүллэр. РАНХиГС эспиэрдэрин чинчийиилэринэн 2035 сылтан оҕо төрөөһүнэ эбиллиэхтээх, сүрүн көрөдөрүүнэн онуохаҕа 2010 сылга төрөөбүт кыргыттар оҕо төрөтөр саастарыгар киириилэрэ буолуоҕа диэн быһаараллар.
Хаартыска “Амма олоҕо” хаһыат саайта
-
0
-
0
-
0
-
0
-
0
-
1
