Ил Түмэн дьокутаата, бырагыраама уопсастыбаннай сэбиэтин чилиэнэ, «Сахатранснефтегаз» АУо генеральнай дириэктэрэ Алексей Колодезников «Саха сирэ — дьоруойдар дойдулара» каадыр бырагырааматын курсааныгар настаабынньыктыаҕа.
—Киниэхэ мунньуммут уопуппун тиэрдэргэ кыһаллыаҕым уонна үөрэнээччи элбэх иһитиннэриини ыларын кэтээн көрүүҕүм. Кини интэриэһиргиир буоллаҕына, үөрэххэ наадалаах информацияны ыларыгар сөптөөх үлэни ыытыаҕым, – диэн норуот дьокутаата уһуйааччы быһыытыннан үлэтин сүрүн торумун билиһиннэрдэ.
РФ Бэрэсидьиэнэ Владимир Путин көҕүлээбит «Дьоруойдар кэмнэрэ» бырагыраама уонна СӨ Ил Дархана Айсен Николаев саҕалаабыт эрэгийиэннээҕи бырайыага СВО кыттыылаахтара үрдүк таһымнаахтык үөрэнэллэригэр, интеграциялааһыҥҥа туһуланар. Бу көҕүлээһин иитинэн байыастарга үөрэнэллэригэр уонна үлэҕэ көмөлөһүүнү хааччыйаллар. Ол кинилэр уопуттарын уонна лиидэр хаачыстыбатын Саха Өрөспүүбүлүкэтин сайыннарыыга туһаналларыгар кыаҕы биэриэҕэ.
Сиһилии http://якутияземлягероев.рф
Хаартыска Мария Васильева түһэриитэ
ЯСИА
-
1
-
0
-
0
-
0
-
0
-
0
