Олохтоохтор сүрүн дохуоттарын туризм салаатыттан, муора балыгын астааһынтан, дьиэ куортамыттан, янтарнай киэргэллэртэн, бырамыысыланнастан киллэринэллэр, ону таһынан, миэбэл оҥорор фабрикалаахтар.
Урут кыраныыссаны туорааһын судургу эрдэҕинэ олохтоохтор санаатахтарын аайы чугастыы Польшаҕа киирэ-тахса сылдьаллара, Германияҕа, Францияҕа, Италияҕа бэйэлэрин массыыналарынан тиийэллэрэ. Хамнас кыра дииллэр эрээри, манна хас хардыыҥ аайы атыыһыкка наадыйаллар, хамнастара 70 000 солк., администратор 90 000 – 100 000 солк. ылар.
«Ласточка» электричкаҕа олорон, Светлогорскай, Зеленоградскай муора кытылыгар турар куораттарга чаас аҥаарынан айаннаан тиийэҕин. Балтика кытылыгар үп үрүҥ кумах уонна көҕөрүмтүйэр муора көстөр, манна сайыннары уута тымныы, салгын сөрүүн эрээри, ыам ыйыттан сөтүөлүүр хорсун дьон бааллар.
Светлогорскай уруккута Раушен ньиэмэстэр сөбүлээн сынньанар куруортарыгар билигин «Янтарь-холл» уораҕайга КВН-лигата буолар, Арассыыйа эстрадатын сулустара кэнсиэртииллэр. Онтон аллараа муораҕа панорамнай түннүктээх лиибинэн түһэҕин, кырачаан кабинкалаах канатнай суол эмиэ баар. Бэс чагда быыһыгар, Балтийскай муора кытылын устун хааман истэххинэ, салгына ырааһа, чэбдигэ киһи сүрэҕин ортотунан киирэр...
Ааптар хартыската.
-
0
-
0
-
0
-
0
-
0
-
0
