Хомойуох иһин, 13 тэрилтэ үлэһитэ суорума суолланна, 7 киһи Нерюнгри оройуоннааҕы балыыһатыгар киирдэ, мантан иккитэ ыарахан туруктаах. 11 киһи быраас көрүүтүгэр сылдьар. Быһылаан тахсыбыт сиригэр бары суһал сулууспалар үлэлииллэр. Дьокуускайтан АН-26 санитарнай сөмөлүөтүнэн мэдиссиинэ анал бөлөҕө көттө.
«Нерюнгри оройуонун баһылыга Роман Щегельнягы кытта сибээһи тутуһабын. Иэдээннэх быһылаан туохтан тахсыбытын, саахал биричиинэтин силиэстийэлииргэ, ону тэҥэ эмсэҕэлээбиттэргэ уонна суорума суолламмыттар дьиэ кэргэттэригэр бары өттүнэн көмөнү оҥорорго соруйдум. Туох баар наадалаах быһаарыылар бытаарыыта суох ылыллыахтаахтар. Быһылааҥҥа суорум суолламмыт дьон аймахтарыгар, чугас дьонугар дириҥ кутурҕаммын тиэрдэбин», – диэн Саха Сирин Ил Дархана Айсен Николаев кутурҕанын биллэрэр.
Хаартыска СӨ Борокуратуурата
-
0
-
0
-
0
-
0
-
2
-
0
