.jpg)
«Биһиги өбүгэлэрбит эпостара уонна үһүйээннэрэ дириҥ ис хоһоонноохтор, олох философиятын арыйаллар, сиэр-майгы өттүнэн бэрээдэктээх буоларга үөрэтэллэр, норуот бэйэтин билинэригэр тирэх буолаллар. Ону таһынан, хас биирдии этнос култуура өттүнэн хатыламмат ураты суоллаах-иистээх, ону харыстыырга сүрүн оруолу оонньуур», — диэтэ Елена Голомарева.
Айарҕаан диэн легендарнай дьоруой устуоруйата көрөөччү иннигэр тиллэн кэллэ, «Тыгын Дархан» эрэстэрээн шеф-повардара ураты менюну бэлэмнээтилэр.
«Олоҥхо ыһыаҕа норуот өбүгэ үгэһин умнубатын, көлүөнэттэн көлүөнэҕэ биэрэн иһэрин, хотугу аҕыйах ахсааннаах норуоттар духуобунас өттүнэн сайдан иһэллэр, инникитин даҕаны Нерюнгри оройуонун этнокултуурунай эйгэтэ сайдан, үөрэтиллэн иһиэҕэ. Төрүт култуураны, төрүт аһы харыстыырга унна үйэтитэргэ маннык тэрээһин өрөспүүбүлүкэ бары улуустарыгар ыытыллан иһиэҕэ», — диэн эттэ СӨ Бырабыыталыстыбатын уонна Ил Дарханын дьыалатын салайар управление салайааччыта Иван Лазарев. Санатан эттэххэ, кини «Тыгын Дархан» эрэстэрээн үлэтин сүрүннүүр.
Норуот дьокутаата Елена Голомарева хотугу аҕыйах ахсааннаах норуоттар уус-уран айымньыларын өйүүргэ, тарҕатарга, Аартыка олохтоохторун төрүт астарын сайыннарарга ыҥырда. Норуоттар этническай төрүттэрин бөҕөргөтөргө маннык көҕүлээһиннэри өйөөһүн эрэгийиэннээҕи бэлиитикэ приоритетнай бырагыраамата буолуохтаах.
Ил Түмэн пресс-сулууспата.
Василий Кононов хаартыскаҕа түһэриитэ.
-
0
-
1
-
0
-
0
-
0
-
0
