Бу туһунан СӨ Кырасдааныскай көмүскэлгэ уонна нэһилиэнньэ олоҕор-дьаһаҕар куттал суох буолууну хааччыйыыга миниистирин бастакы солбуйааччы Айаал Вензель от ыйын 22 күнүгэр ыытыллыбыт брифинигэр иһитиннэрдэ.
Кини этэринэн, Өймөкөөн уонна Абый улуустарыгар ыксаллаах быһыы-майгы эрэсиимэ үлэлиир. Муома улууһугар үрдүк сэрэхтээх буолуу эрэсиимэ үлэлиир.
Сарсыарда 8 чаастаах туругунан, Абый улууһун Кэбэргэнэ сэлиэнньэтигэр 1 тиэргэн учаастага ууга баран турар.
Өймөкөөн оройуонугар уу таһыма күҥҥэ 2-16 см диэри намтыыр. Абый улууһугар уу таһыма 8 см, Муома улууһугар — 14 см. түстэ.
“Билиҥҥи туругунан, улуустарга тахсыбыт хоромньу ааҕыллар. Өймөкөөн уонна Абый улуустарыгар бырабыыталыстыба бөлөҕө уонна быыһааччылар үлэлииллэр, гуманитарнай көмө тиэрдиллэр. Балаһыанньа хонтуруолланар. Бары суһал сулууспалар үрдүк сэрэхтээх буолуу эрэсииминэн үлэлииллэр”, — диэтэ Айаал Вензель. Сиһилии: https://www.sakha.gov.ru/news/8660
Хаартыска Улусмедиа
-
1
-
0
-
0
-
0
-
0
-
0
