«Бүгүҥҥү күҥҥэ федеральнай таһымҥа баар арыгыны атыылыыр хааччахтар — сарсыарда 08:00 чаастан 23:00 чааска диэри кытаатыннарыллыахтаахтар», — диэн Сергей Рыбальченко ТАСС-ка билиһиннэрдэ. Кини сэбиэскэй кэмҥэ арыгы 11:00 чаастан 19:00 чааска диэри эрэ атыыламмытын санатан эттэ. Ол курдук, арыгы атыыланар кэмин сыл аайы биир чааһынан кылгатан, кэлин атыылыыр муҥутуур кылгас кэмигэр тиийэр ордук табыгастаах буолуо этэ диэн сабаҕалыыр. Ону таһынан, Рыбальченко уопсастыбаннай аһылык эйгэтиттэн ураты, өрөбүл уонна бырааһынньык күннэргэ арыгы атыытыгар эбии хааччахтары киллэрэри наадалааҕынан ааҕар.
Биллэрин курдук, биһиги өрөспүүбүлүкэбитигэр арыгыны атыылааһын күнүс 14:00 чаастан 20:00 чааска диэри эрэ көҥүллэнэр. СССР-га 1972 сылтан арыгыны 11:00 чаастан 19:00 чааска диэри эрэ атыылаһар кыах баара, оттон 1980-с сылларга арыгыны утары хампаанньа кэмигэр бу кэм 14:00–19:00 чааска диэри кылгатыллыбыта.
Хаартыска эрэдээксийэ архыыбыттан
-
1
-
0
-
1
-
0
-
0
-
0
